اتاپ ايتقاندا وتكەن سەيسەنبى كۇنى بەلگيانىڭ انتۆەرپەن قالاسىندا شەرۋشىلەر ءحىح عاسىردىڭ ورتاسىندا ەلدەگى كورولدىك تاقتىڭ يەسى اتانعان II لەوپولدتىڭ تاس ءمۇسىنىن قۇلاتىپ تاستادى.
بۇل ادام ءوز كەزىندە افريكا قۇرلىعىن وتارلاۋ ىسىنە جانكەشتىلىكپەن كىرىسىپ, اسىرەسە كونگولىقتاردى قاندى قاساپقا سالعان پەندە بولاتىن.
جوعارىداعى راسيزمگە قارسىلىق تانىتۋشى قوزعالىس مۇشەلەرى ۇلىبريتانيا بيلىگىنە ادامزات تاريحىندا راسيستىك ارەكەتىمەن تانىلعان تۇلعالار كوشەسىن قۇرتۋ جايلى تالاپ قويىپ وتىر.
بۇل تىزىمدە ۇلىبريتانيانىڭ ەجەلگى كورولى II چارلەس, اعىلشىنداردىڭ اتاقتى تەڭىزشىسى ادميرال حاراتيو نەلسون, سەر فرانتسيس درەيك, وتارلاۋشىلار سەسيل روۋدس, سەر توماس گاي, سەر جون كاسس, ساياحاتشى حەنري مورتون ستەنلي, انگليانىڭ ەرتەدەگى پرەمەر ءمينيسترى روبەرت پيلل جانە ۋيليام گلەدستوۋن قاتارلى تاريحي تۇلعالار بار ەكەن.
