ايماقتار • 10 ماۋسىم، 2020

تۇركىستاندا ۇيىرگەلىك جەردى ءتيىمدى پايدالانۋ تاسىلدەرى تالقىلاندى

54 رەت كورسەتىلدى

تۇلكىباس اۋدانىندا پيلوتتىق جوبا رەتىندە تامشىلاتىپ سۋعارۋ ءادىسىن 150  شارۋا قولعا العان. ەندى بۇل ءتاسىلدى ۇيىرگەلىك جەرلەرگە ەندىرۋ جوسپارلانىپ وتىر، - دەپ جازادى Egemen.kz

وسى ورايدا، مىسالى، اۋداندىق اۋىلشارۋاشىلىعى بولىمىمەن جەكە كاسىپكەر ت.سەيسەنباەۆ اراسىندا يزرايلدىك تەحنولوگيانى ورناتۋ بويىنشا كەلىسىم تۇزىلگەن.  سونىڭ نەگىزىندە  تالعات سەيسەنباەۆتىڭ ەسىك الدىنداعى جەرىنە تامشىلاتىپ سۋارۋ تەحنولوگياسى ورناتىلماق. قۇنى دا قاراپايىم اۋىل تۇرعىندارى ءۇشىن   ءتيىمدى. ون سوتتىق جەرگە كەتەتىن شىعىن - 200 مىڭ تەڭگە. قازىردىڭ وزىندە اۋىل تۇرعىندارىنىڭ  بۇل جوباعا دەگەن قىزىعۋشىلىعى باسىم. سول ارقىلى اكىمدىك جۇرتتى  جۇمىسپەن قامتىماق.

ۇيىرگەلىك جەرگە ءتيىمدى ءتاسىلدى پايدالانىپ، مول ءونىم الۋعا بولادى. تۇلكىباس اۋدانىنداعى شاقپاق اۋىلدىق وكرۋگىندە وتكەن كوشپەلى سەميناردا وسى ماسەلە تالقىلاندى. وعان قوسا قاتىسۋشىلارعا مەملەكەتتەن بەرىلەتىن گرانتتار مەن نەسيە الۋ جولدارى ءتۇسىندىرىلدى. سەميناردا اۋدان اكىمى نۇرلان بايعۇت پەن سالاعا جاۋاپتى ماماندار، اۋىل اكىمدەرى مەن قوجالىق يەلەرى ەسىك الدىنداعى جەردى پايدالانىپ قانا قويماي، وزىق تەحنولوگيا كۇشىمەن جىلىنا ەكى ءونىم الۋ جولدارىن دا اڭگىمەلەدى. يزرايلدىك تەحنولوگيانىڭ قاراپايىم ارىق ارقىلى سۋعارۋ ادىسىنەن ەرەكشەلىگى - جەردى اۋدارىپ دايىنداۋدى جانە ارىق قازۋدى قاجەت ەتپەيدى. قاراپايىم سۋعارۋ ادىسىنەن قاراعاندا ءونىمدى 3 ەسە كوپ بەرەدى. سونداي-اق، ەگىلگەن كوكونىس اينالاسىنان جابايى ءشوپ شىقپايدى.

سەمينار بارىسىندا قاتىسۋشىلار "بەرەكە"، "يمپەريا"، "جارقىنبەك" جانە "اق بيىك" شارۋاقوجالىقتارىنىڭ جۇمىسىمەن تانىسىپ، قاجەتتى ماعلۇماتتار الدى.

 

 

تۇركىستان وبلىسى

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار