ازاماتتار مامىر ايىندا حقو-تارى اشىلعاننان كەيىن كوبىنە جەكە كۋالىك پەن پاسپورت الۋ ءۇشىن جۇگىنگەن. الدىن الا ەسەپتەۋلەر بويىنشا 5 مىڭعا جۋىق ازامات جەكە باسىن كۋالاندىراتىن قۇجاتىن جاڭارتقان.
ەكىنشى ورىندا اۆتوكولىكتى قايتا تىركەۋ قىزمەتى. مامىردا اۆتوكولىك يەلەرى شىمكەنتتەگى مامانداندىرىلعان حقو-تارىندا 20 مىڭنان استام كولىكتى قايتا تىركەگەن.
حقو-ىنىڭ اشىلۋىن جىلجىمايتىن م ۇلىك يەلەرى دە كۇتتى. ازاماتتار جىلجىمايتىن م ۇلىككە قۇقىقتاردى (اۋىرتپالىقتاردى) مەملەكەتتىك تىركەۋ قىزمەتى ءۇشىن حقو-ىنا 2 مىڭنان استام رەت جۇگىنگەن.
ءتورتىنشى ورىندا جۇرگىزۋشى كۋالىكتەرىن اۋىستىرۋ جانە بەرۋ قىزمەتى. مامىر ايىندا 6 مىڭعا جۋىق قۇجات راسىمدەلگەن.
كارانتيننەن كەيىنگى سۇرانىسقا يە بەسىنشى قىزمەت – الەۋمەتتىك قاۋىپ-قاتەر جاعدايىندا الەۋمەتتىك جاردەماقىلار تاعايىنداۋ قىزمەتى. بۇل نەگىزىنەن جۇكتىلىك جانە بوسانۋعا بايلانىستى بەرىلەتىن تولەم. ونى 5 مىڭنان استام جۇكتى ايەل العان.
شىمكەنت قالاسىنداعى حقو-نىڭ جۇمىسى قايتا جاندانعاننان بەرى 44 مىڭعا جۋىق مەملەكەتتىك قىزمەت كورسەتىلدى.
ەستەرىڭىزگە سالا كەتەيىك, توتەنشە جاعداي رەجيمى الىنىپ تاستالعاننان كەيىن حقو عيماراتتارىندا ازاماتتاردىڭ جينالۋىن جانە قىزمەت الۋشىلاردىڭ ۆيرۋستى جۇقتىرۋ جاعدايلارىن بولدىرماۋ ءۇشىن حقو egov.kz پورتالىندا قولجەتىمسىز جانە تەك الدىن الا برونداۋ ارقىلى «قاعاز» جۇزىندە كورسەتىلەتىن قىزمەتتەردى (106 مەملەكەتتىك قىزمەت) عانا ۇسىنادى.
حقو-ىنا كەزەكتى egov.kz پورتالى, eGovKzBot2.0 تەلەگرام-بوتى نەمەسە 1414 بايلانىس ورتالىعىنا قوڭىراۋ شالۋ ارقىلى برونداۋعا بولادى.
