اكىم تۇلەكتەردىڭ ارمان-ماقساتىن, ۇسىنىس-پىكىرلەرىن تىڭداپ, ماماندىق تاڭداۋ مەن جوعارى ءبىلىم الۋدىڭ ماڭىزى تۋرالى اقىل-كەڭەسىن بەردى. ال, تۇلەكتەر الداعى ۇبت-عا دايىندىق, تاڭداعان ماماندىقتارىنا, قوعامدى تولعاندىراتىن ماسەلەلەرگە بايلانىستى ويلارىمەن ءبولىستى.
دارىندى تۇلەكتىڭ ءبىرى ء–ا.جانگەلدين اتىنداعى ورتا مەكتەبىنىڭ تۇلەگى ەلدار قۇرماشەۆموبيلدى قوسىمشا جاساپ, «جاس ونەر تاپقىش» اتانعان ەدى. ەندى ول تاعداعان ماماندىعىن اقپاراتتىق تەحنولوگيامەن بايلانىستىرعالى وتىر.
–قازىر الەمدە IT سالاسى قارقىندى دامۋدا. بىردە-ءبىر سالانى وسى تەحنولوگياسىز ەلەستەتۋ مۇمكىن ەمەس. جاھاندىق پاندەميا تسيفرلاندىرۋدىڭ ماڭىزىن تاعى دا دالەلدەپ بەردى. ەلىمىزدە اتالعان سالاعا ايرىقشا كوڭىل ءبولىنىپ وتىر. سوندىقتان, قازىردەن باستاپ جاڭا تەحنولوگيانى مەڭگەرۋدىڭ ماڭىزىن ەسكەرۋ كەرەك. بۇگىن ءموبيلدى قوسىمشا جاساساڭ, ەرتەڭ IT سالاسىندا ادامزاتتىڭ يگىلىگىنە اينالاتىن جاھاندىق دەڭگەيدەگى جاڭالىق اشارىڭا سەنەمىن. ارمانىڭا جەت, ەلدار, -دەگەن وبلىس اكىمى ماحامبەت دوسمۇحامبەتوۆ تۇلەكتەرگە اق جول تىلەدى.
كەزدەسۋ سوڭىندا امانگەلدى اتىنداعى ورتا مەكتەبىنىڭ تۇلەگى ايبەك كارىموۆ ابايدىڭ «كوزىمنىڭ قاراسى» ءانىن شىرقادى. وبلىس اكىمى ماحامبەت دوسمۇحامبەتوۆ تۇلەكتەرگە «ابايدىڭ قارا سوزدەرى» كىتابىن سىيعا تارتتى.
