سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆتىڭ ايتۋىنا قاراعاندا قاراقشىلىق فاكتىسى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلەدى. شەكتەن شىققان قاراقشىلىق قىلمىستى اشۋعا قالالىق پوليتسيا ءبولىمىنىڭ جەكە قۇرامى تۇگەل جۇمىلدىرىلدى. جەدەل-ىزدەستىرۋ ءىس-شارالارىنىڭ بارىسىندا قىلمىس جاسالعان اۋدانداعى بەينەباقىلاۋ كامەرالارىنىڭ جازبالارى زەردەلەنىپ, پاتەر بيۋرولارى, جالعا تاپسىرىلعان پاتەرلەر مەن ساياجاي ماسسيۆتەرى تەكسەرىلدى. تاجىريبەلى جەدەل ۋاكىلدەر بارلىق دەرەكتەردى ساراپتاي كەلىپ, بۇل قىلمىستى سىرتتان كەلگەن «گاسترولەرلەردىڭ» ءبىرى جاسادى دەگەن توقتامعا كەلەدى.
تياناقتى تەكسەرىستىڭ ناتيجەسىندە سول كۇنى-اق قاراقشىنىڭ جەكە باسى انىقتالدى. ول بۇرىن دا م ۇلىكتىك قىلمىس جاساعانى ءۇشىن سوتتالعان كوكشەتاۋ قالاسىنىڭ 1996 جىلعى تۋماسى بولىپ شىقتى. كۇدىكتىنىڭ كەسكىن-كەيپى ەلىمىزدىڭ باسقا اۋماقتارىنداعى ارىپتەستەرىنە جولداندى.
ناتيجەسىندە كۇدىكتىنىڭ قاراعاندى اۋماعىندا دا قاراقشىلىق جاساپ, ۇستالعاندىعى جونىندە اقپارات كەلىپ ءتۇستى. قازىرگى ۋاقىتتا قاراعاندى قالاسىنىڭ پوليتسيا باسقارماسىنا بەرۋ ءۇشىن قىلمىستىق ءىستىڭ ماتەريالدارى دايىندالۋدا.
پەتروپاۆل
