ايماقتار • 06 ماۋسىم، 2020

پەتروپاۆلدا ەسىرتكى جاساۋ ءۇشىن كەندىرماي وسىرگەن ازامات ۇستالدى

20 رەت كورسەتىلدى

پەتروپاۆل قالاسىنىڭ «زارەچنىي» كەنتىندە تۇراتىن 48 جاستاعى تۇرعىنىنىڭ باقشاسىندا 400-دەن استام ءتۇپ كەندىرماي ءوسىپ تۇرعانى انىقتالدى. ونى قالا پوليتسياسى «قاراسورا-2020» جەدەل-پروفيلاكتيكالىق ءىس-شاراسىنىڭ بارىسىندا تاپتى.

ءۇي يەسى قۇرامىندا ەسىرتكى زاتتارى بار وسىمدىكتى ارنايى ءوسىرىپ جاتقاندىعى، اۋلاسىندا وسى ماقساتقا قولدانىلاتىن جىلىجايدىڭ جانە سول جىلىجايداعى قىش قۇمىرالاردا ءوسىپ تۇرعان كوشەتتەردىڭ بولۋى ونىڭ ەسىرتكى زاتتارىن جاساۋمەن ارنايى اينالىساتىندىعىن كورسەتىپ تۇر. ء«ۇي يەسىنىڭ مويىنداۋىنا قاراعاندا ول جىلىجايدى ارنايى كەندىرماي ءوسىرۋ ءۇشىن تۇرعىزعان. سونداي-اق، الىنعان وسىمدىك تۇقىمدارى دا وسى فاكتىنى راستايدى»، - دەيدى سقو پد باستىعىنىڭ ورىنباسارى رۋسلان نازاروۆ.

ءۇيدى ءتىنتۋ بارىسىندا مىلتىق، ءتۇرلى كاليبردەگى جاۋىنگەرلىك جانە تراۆماتيكالىق پاتروندار، اڭشى قارۋىنىڭ وقپانى مەن وپتيكالىق كوزدەۋىش تابىلدى. بۇل زاتتار دا ايعاق رەتىندە الىندى. قازىر كۇدىكتىنىڭ ۇستىنەن قۇرامىندا ەسiرتكi زاتتارى بار، وسiرۋگە تىيىم سالىنعان كوشەتتەردى زاڭسىز ەگۋ مەن ءوسىرۋ فاكتىسى بويىنشا سوتقا دەيىنگى تەرگەپ-تەكسەرۋ ءىسى قوزعالدى.

كۇدىكتى وسىمدىكتى ءوزىنىڭ جەكە ماقساتىنا پايدالانۋ ءۇشىن عانا وسىرگەنىن، ال قارۋ-جاراقتى قاراۋسىز قالعان عيماراتتان تاۋىپ العانىن ايتىپ انت-سۋ ىشۋدە. الايدا جەكە ماقساتقا قولدانۋ ءۇشىن كەپتىرىلمەگەن سالماعى 5 كگ اساتىن كەندىرمايدى وسىرگەنىنە ەشكىمنىڭ سەنبەسى انىق. ويتكەنى بۇلاردان ەسىرتكىنىڭ اسا ءىرى كولەمىن جاساۋعا بولادى. قىلمىستى ءىستى جۇرگىزۋ بارىسىندا سوت-بالليستيكالىق ساراپتاما تاعايىندالدى.

 

پەتروپاۆل

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار