قازاقستان • 05 ماۋسىم، 2020

«قارابۇتاق - قوستاناي» تاسجولىنىڭ 65 شاقىرىمى جىل سوڭىنا دەيىن ىسكە قوسىلادى

25 رەت كورسەتىلدى

قوستاناي وبلىسىندا رەسپۋبليكالىق ماڭىزعا يە «قارابۇتاق-كومسومولسكوە-دەنيسوۆكا-رۋدنىي-قوستاناي» (389-515 شاقىرىم) اۆتوموبيل جولىن قايتا جاڭارتۋ جۇمىستارى جالعاسىپ جاتىر، دەپ حابارلادى يدم ءباسپاسوز قىزمەتى.

جالپى ۇزىندىعى 114 شاقىرىمدىق جول وبلىستاعى بىرقاتار ەلدىمەكەندى بايلانىستىراتىندىقتان، جوبا وبلىستىڭ دامۋىنا زور سەرپىن بەرمەك. قايتا جاڭارتۋ جۇمىستارى جولدىڭ ۇزىندىعى 35 شاقىرىمدى قۇرايتىن دەنيسوۆكا ەلدىمەكەنىنەن پەرەلەسكي ەلدىمەكەنىنە دەيىنگى ارالىعىن جانە ۇزىندىعى 30 شاقىرىمدى قۇرايتىن پەرەلەسكي ەلدىمەكەنىنەن توبىل ستانتسياسىنا دەيىنگى ارالىعىن قامتىپ، انتونوۆكا، الچانوۆكا، ۆالەريانوۆكا ەلدى مەكەندەرى مەن رۋدنىي، ليساكوۆسك قالالارى ارقىلى وتەدى. قۇرىلىس-مونتاجداۋ جۇمىستارىن «يۆرۋس» جانە «ابك-اۆتودور نس» جشس جۇرگىزىپ جاتىر. 

جوبا اياسىندا سونداي-اق، سۋ وتكىزۋ قۇبىرلارى، جول ايىرىعى، قىزمەت كورسەتەتىن پاۆيلوندارى بار دەمالىس الاڭدارى، سونىمەن قاتار، دەنيسوۆكا ەلدىمەكەنىندە جول پايدالانۋ باسقارماسى جانە انتونوۆكا ەلدىمەكەنىندە جول پايدالانۋ پۋكىنتى قۇرىلىسى قاراستىرىلعان.

سونىمەن قاتار بيىل جولدىڭ توبىل ستانتسياسى مەن رۋدنىي قالاسى ارالىعىنداعى ۋچاسكەلەردە ءتيىستى جۇمىستار باستالدى. جول ۋچاسكەلەرىنىڭ جالپى ۇزىندىعى 49 شاقىرىمدى قۇرايدى. 

قايتا جاڭارتۋ جۇمىستارىنان وتكەن سوڭ 114 شاقىرىمدىق جول ۋچاسكەسى 2 جولاعى بار ءىى تەحنيكالىق ساناتتاعى جولعا سايكەستەندىرىلمەك. قوزعالىس بولىگىنىڭ ەنى 7،5 مەتردى قۇرايدى. قازىرگى تاڭدا جولداعى جۇمىستارعا 475 ادام مەن 230 بىرلىك تەحنيكا جۇمىلدىرىلعان. نىسان 2022 جىلى پايدالانۋعا بەرىلەدى دەپ جوسپارلانىپ وتىر. 

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار