كينو • 05 ماۋسىم، 2020

بيىل وتاندىق 5 فيلم حالىقارالىق دەڭگەيدەگى ناگراداعا يە بولدى

51 رەت كورسەتىلدى

مادەنيەت جانە سپورت ءمينيسترى اقتوتى رايىمقۇلوۆا حالىق الدىندا ەسەپ بەرۋ كەزدەسۋىندە بيىل ەلىمىزدە 38 وتاندىق فيلم ءتۇسىرىلىپ، 5 فيلم حالىقارالىق دەڭگەيدە ناگراداعا يە بولعانىن ايتتى.

- مادەنيەت جانە ونەر سالاسىندا زاماناۋي ۇردىستەردى كەڭىنەن قولدانىپ، كينو سالاسىندا اشىق ستسەناريي تالقىلاۋ ۇيىمداستىرىلادى. بۇل رەتتە بەدەلدى كينو مامانداردان قۇرالعان ەكسپەرتتىك كەڭەس جانە ۆەدومستۆوارالىق كوميسسيا جۇمىس ىستەيدى. اتالعان جۇمىس ورگاندارىمەن اشىق ستسەناري تالقىلاۋدىڭ 3 وتىرىسى ءوتتى جانە قىزىعۋشىلىق تانىتقان ءاربىر ازاماتتىڭ ونلاين-فورماتتا باقىلاۋعا مۇمكىندىگى بولدى. ناتيجەسىندە كوميسسيا 2019 جىلى ۇسىنىلعان 109 جوبادان 17-ءسىن ىرىكتەپ السا، 2020 جىلى پيچينگكە قاتىسقان 223 جوبانىڭ 42-ءسى قولداندى، - دەدى اقتوتى رايىمقۇلوۆا.

سونداي-اق ول «قازاقفيلم» كينوستۋدياسىنىڭ دامۋ ستراتەگياسى ازىرلەنگەنىن ءسوز ەتتى.

- مەملەكەت باسشىسىنىڭ تاپسىرماسىن ورىنداۋ ماقساتىندا تەحنولوگيالىق جانە كادرلىق جاڭارتۋعا، جاڭا ءتۇسىرۋ پاۆيلوندارىن سالۋعا جانە تاعى باسقا شارالارعا باعىتتالعان قازاقستاننىڭ برەندىنە اينالعان «قازاقفيلم» كينوستۋدياسىنىڭ دامۋ ستراتەگياسى ازىرلەندى. بۇل شارالار كينووندىرىس قىزمەتتەرىنىڭ تولىق كەشەنى بار كينوفابريكانىڭ جۇمىس ىستەۋىنە باعىتتالعان، - دەدى مينيستر.

ونىڭ ايتۋىنشا، بيىل ەلىمىزدە 38 وتاندىق فيلم ءتۇسىرىلىپ، 5 فيلم حالىقارالىق دەڭگەيدە ناگراداعا يە بولدى.

 

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار