– اتىراۋ قالاسىندا تاڭەرتەڭگى ساعات 8:42-دە «پرومگاز» جشس-ءنىڭ اتامباەۆ كوشەسىندە ورنالاسقان گاز ستانساسى اۋماعىندا جارىلىس ورىن الدى. وعان گاز قۇيۋ كەزىندە گازدىڭ شىعۋى سەبەپ بولعان. سول ساتتە «فورد» ماركالى اۆتوتسيستەرنالى كولىكتىڭ كابيناسى جالىنعا وراندى. جارىلىس كەزىندە 60-70 مەتر قاشىقتا تۇرعان عيمارات قيرادى, -دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
سونداي-اق, جارىلىستان ءار ءتۇرلى دارەجەدە كۇيىك العان ءتورت ادام اۋرۋحاناعا جەتكىزىلدى. ولار –توتەنشە جاعدايلار دەپارتامەنتىنە قاراستى ءورت ءسوندىرۋ ءبولىمىنىڭ بولىمشە كومانديرى مەن ءورت ءسوندىرۋشىسى, سونداي-اق, گاز تاسىمالداۋشى كولىكتىڭ جۇرگىزۋشىسى جانە جانار-جاعار ماي قۇيۋشى.
– ءورت ساعات 9:58-دە تولىقتاي ءسوندىرىلدى. جالىندى سوندىرۋگە توتەنشە جاعدايلار دەپارتامەنتىنىڭ 25 قىزمەتكەرى مەن 4 تەحنيكا جۇمىلدىرىلدى, - دەدى ءباسپاسوز قىزمەتىنەن.
