الدىن الا مالىمەتتەرگە سايكەس, 40 جاستاعى ازامات ءورت شىعارۋ ماقساتىندا گاز باللونىن ادەيى اشقان. سونىڭ سالدارىنان گاز جارىلىپ, جالىن جيھاز بەن تۇرمىستىق زاتتاردى شارپىعان.
ۆەدومستۆونىڭ حابارلاۋىنشا, وقيعا ورنىنا جەتكەن پوليتسەيلەر بىردەن تۇرعىنداردى ەۆاكۋاتسيالاۋعا كىرىسكەن. سول ساتتە كۇدىكتى ولاردىڭ ارەكەتىن بايقاپ, گازدى قاساقانا جىبەرىپ, وت قويعان. قۇقىق قورعاۋ ورگاندارىنىڭ قىزمەتكەرلەرى ومىرلەرىن قاتەرگە تىگىپ, كۇدىكتىنى ۇستاۋ وپەراتسياسىن سوڭىنا دەيىن جەتكىزگەن.
شاحتينسكىدە كوپقاباتتى ۇيدە گاز جارىلدى: 8 ادام زارداپ شەكتى
وقيعا سالدارىنان سەگىز ادام زارداپ شەكتى, ولاردىڭ بەسەۋى – پوليتسيا قىزمەتكەرى. بارلىعى مەديتسينالىق مەكەمەگە جەتكىزىلدى.
قازىر كۇدىكتى كۇزەتپەن ارنايى پالاتادا جاتىر. ساۋىعىپ شىققاننان كەيىن ول ۋاقىتشا ۇستاۋ يزولياتورىنا قاماۋعا الىنادى.
