قوزعالىستىڭ ەرىكتىلەرى ء«مولدىر بۇلاق» ەكولوگيالىق اكتسياسىنا قاتىسىپ, قازاقستاندىقتاردى مەملەكەت باسشىسىنىڭ «تازا قازاقستان» باستاماسى اياسىندا ۇيىمداستىرىلعان بۇلاقتاردى تازالاۋ ناۋقانىن قولداۋعا شاقىردى.
«بولاشاقتىڭ قاينارى» ەرىكتىلەر توبى, بۇگىن سۋ رەسۋرستارى جانە يرريگاتسيا مينيسترلىگىنىڭ باستاماسىمەن وتكەن ء«مولدىر بۇلاق» اكتسياسىنا قاتىستىق. سۋ – تىرشىلىكتىڭ باستاۋى. ءار بۇلاقتىڭ تازالىعى ء– بىزدىڭ ورتاق جاۋاپكەرشىلىگىمىز. ءبىز بۇگىن تەك تابيعاتتى قورعاپ قانا قويماي, قوعامعا ۇلگى بولۋعا تىرىستىق. ەندى وسى يگى ءىستى جالعاستىرۋ ءۇشىن ەستافەتانى ەلىمىزدىڭ بارلىق وڭىرىندەگى ەرىكتىلەرگە جولدايمىز. بىرگە ارەكەت ەتسەك, ۇلكەن وزگەرىس جاساي الامىز!», دەدى قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىنىڭ 3-كۋرس ستۋدەنتتەرى دياس ءابىلحان جانە ايدانا مۇقاجانوۆا.
ء«مولدىر بۇلاق» ەكولوگيالىق اكتسياسى: وڭتۇستىك وڭىرلەردەگى 28 بۇلاق تازارتىلدى
«بولاشاقتىڭ قاينارى» قوزعالىسى تەك ەكولوگيالىق اكتسيالارعا قاتىسۋمەن شەكتەلمەيدى. بەلسەندى جاستار سۋ ۇنەمدەۋدى ناسيحاتتاۋ جانە قوعامدا ەكولوگيالىق مادەنيەتتى قالىپتاستىرۋ باعىتىنداعى جۇيەلى جۇمىستارعا ۇلەس قوسۋدى جوسپارلاپ وتىر.
ء«مولدىر بۇلاق» ەكولوگيالىق اكتسياسى شىمكەنت قالاسىندا, الماتى, جامبىل, قىزىلوردا, تۇركىستان جانە جەتىسۋ وبلىستارىندا ءوتتى. وعان شامامەن 3,8 مىڭ ادام قاتىستى. اكتسيا اياسىندا بۇلاقتاردىڭ كوزىن اشۋ جانە قالپىنا كەلتىرۋ, سونداي-اق اينالاسىنداعى اۋماقتاردى تازالاۋ جانە اباتتاندىرۋ جۇمىستارى جۇرگىزىلدى. قوقىس جينالىپ, كوشەتتەر وتىرعىزىلدى.
تازارۋ كۇنى: پرەزيدەنت ازاماتتاردى تازالىق پەن ءتارتىپ ەستافەتاسىنا بەلسەنە قاتىسۋعا شاقىردى
ءىس-شارالارعا سۋ رەسۋرستارى جانە يرريگاتسيا مينيسترلىگىنىڭ, ۆەدومستۆوعا قارايتىن ۇيىمدار مەن كوميتەتتەردىڭ ماماندارى, سونداي-اق جۇزدەگەن ەرىكتى مەن ستۋدەنت قاتىستى.
