استانادا بۇل كۇنى «تازا قازاقستان» اۋقىمدى ەكولوگيالىق باستاماسى اياسىندا «وزىڭنەن باستا» اكتسياسى ءوتىپ جاتىر. ول قالا تۇرعىندارىن بىرىگىپ, اينالانى تازا ءارى كورىكتى ەتۋگە شاقىرادى.
اتالعان باستاما اياسىندا قالانىڭ التى اۋدانىندا قار مەن قوقىستى تازارتۋ جۇمىسى جۇرگىزىلىپ جاتىر.
تازارۋ كۇنى: پرەزيدەنت ازاماتتاردى تازالىق پەن ءتارتىپ ەستافەتاسىنا بەلسەنە قاتىسۋعا شاقىردى
ەلوردا بويىنشا شاعىن ساۋلەت نىساندارىن, ەسكەرتكىشتەر مەن مۇسىندەردى, قوقىس الاڭدارى مەن كونتەينەرلەردى جۋ جانە قالپىنا كەلتىرۋ ءجۇرىپ جاتىر. سونداي-اق ايالداما كەشەندەر, قورشاۋلار, جارىق باعانالارى, ارىقتار مەن سۋ ايدىندارىنىڭ جاعالاۋ ايماقتارى تازارتىلىپ, جۋىلىپ جاتىر.
استانالىق ستۋدەنتتەر «تازا قازاقستان» اكتسياسى اياسىندا سەنبىلىك وتكىزدى
قالا تۇرعىندارى دا اۋلالار مەن كوشەلەردى تازالاۋ جۇمىسىنا بەلسەندى اتسالىسۋدا.
ءداستۇر بويىنشا ەرىكتىلەر جالعىزباستى زەينەتكەرلەر مەن مۇمكىندىگى شەكتەۋلى جانداردىڭ اۋلالارىن قار مەن قوقىستان تازارتۋعا ارنالعان قايىرىمدىلىق اكتسياسىن ۇيىمداستىردى. بۇل شاراعا ەرىكتىلەرمەن قاتار بەلسەندى قالا تۇرعىندارى دا قاتىسىپ جاتىر.
اتالعان باستاما قالاداعى ەكولوگيالىق جاعدايدى جاقسارتۋعا, قورشاعان ورتاعا ۇقىپتى قاراۋ مادەنيەتىن قالىپتاستىرۋعا جانە تۇرعىنداردىڭ تازالىق پەن تارتىپكە دەگەن جاۋاپكەرشىلىگىن ارتتىرۋعا باعىتتالعان.
