رۋحانيات • 05 ماۋسىم، 2020

قازاقستاندىق ەكى مۋزەي تمد-نىڭ ۇزدىك مۋزەيلەرى قاتارىندا

45 رەت كورسەتىلدى

مادەنيەت جانە سپورت ءمينيسترى اقتوتى رايىمقۇلوۆا حالىق الدىندا ەسەپ بەرۋ كەزدەسۋىندە نۇر-سۇلتانداعى ۇلتتىق مۋزەي مەن الماتى قالاسىنداعى ورتالىق مەملەكەتتىك مۋزەي ونلاين-تۋرلار مەن ۆيرتۋالدى ەكسكۋرسيالار بويىنشا تمد ەلدەرىنىڭ ۇزدىك تاريح جانە مادەنيەت مۋزەيلەرى رەيتينگىسىندە ۇزدىك بەستىكتىڭ قاتارىنا ەنگەنىن ايتتى.

- 2019 جىلدان باستاپ «مۋزەيلەر شەرۋى» رەسپۋبليكالىق اكتسياسى ىسكە قوسىلىپ، 125 وتاندىق مۋزەيدە كەلۋشىلەردىڭ سانى 150 مىڭ ادامدى قۇرادى. «مۋزەيدەگى ءتۇن» اكتسياسىن وتكىزۋ داستۇرگە اينالىپ وتىر. وسى جىلى قالىپتاسقان جاعدايعا بايلانىستى بۇل اكتسيا ونلاين-فورماتتا ۇيىمداستىرىلدى. YouTube ارنالارى مەن الەۋمەتتىك جەلىلەردەگى اككاۋنتتار ارقىلى ترانسلياتسيانى 80 مىڭ ادام كوردى، - دەدى اقتوتى رايىمقۇلوۆا.

سونداي-اق ول «الەم مۋزەيى بويىنشا التىن ادامنىڭ شەرۋى» اتتى حالىقارالىق كورمە جوباسى ءۇش جىل ىشىندە 12 ەلدە بولىپ قايتقانىن اتاپ ءوتتى.

- قازاقستان رەسپۋبليكاسىنىڭ ۇلتتىق مۋزەيى مەن الماتى قالاسىنداعى قازاقستان رەسپۋبليكاسىنىڭ ورتالىق مەملەكەتتىك مۋزەيى ونلاين-تۋرلار مەن ۆيرتۋالدى ەكسكۋرسيالار بويىنشا تمد ەلدەرىنىڭ ۇزدىك تاريح جانە مادەنيەت مۋزەيلەرى رەيتينگىسىندە توپ-5 قاتارىنا ەندى، - دەدى مينيستر.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار