- قازاقستاندا ادەبيەت جانە ونەر قايراتكەرلەرىنە, تالانتتى جاستارعا مەملەكەتتىك قولداۋدى كۇشەيتۋ ماقساتىندا بەرىلەتىن تۇڭعىش پرەزيدەنت – ەلباسىنىڭ مادەنيەت سالاسىنداعى ستيپەندياسى 240-تان 660 ايلىق ەسەپتىك كورسەتكىشكە دەيىن ۇلعايتىلدى, - دەدى اقتوتى رايىمقۇلوۆا.
سونداي-اق ول عىلىم, مادەنيەت جانە ونەر سالاسىنداعى دارىندى جاستار جىل سايىن تۇڭعىش پرەزيدەنت – ەلباسى قورى پرەمياسىنىڭ لاۋرەاتى اتانىپ كەلە جاتقانىن اتاپ ءوتتى.
- ەرەكشە مارتەبەسى بار مادەنيەت جانە ونەر سالاسىنداعى جوعارى وقۋ ورىندارىنىڭ پروفەسسور, وقىتۋشىلار قۇرامىنا لاۋازىمدىق جالاقى مولشەرىنە 1,75 كوەففيتسيەنتى ساقتالىپ وتىر. 2020 جىلعى 1 قاڭتاردان باستاپ مادەنيەت جانە سپورت سالاسىنداعى مامانداندىرىلعان مەكتەپ جانە كوللەدج پەداگوگتەرىنىڭ جالاقىسى جىل سايىن 2023 جىلعا دەيىن 20 پايىزعا ۇلعايىپ وتىرادى, - دەدى مينيستر.
