اباي • 03 ماۋسىم، 2020

پاۆلوداردا «اباي ترامۆايى» جولعا شىقتى

148 رەت كورسەتىلدى

اباي قۇنانباي ۇلىنىڭ سۋرەتى سالىنىپ، ولەڭدەرى مەن قارا سوزدەرى جازىلعان ترامۆاي جۇرە باستادى، دەپ حابارلادى pavlodarnews.kz ءتىلشىسى.


«ترامۆاي باسقارماسى» اق باسقارما توراعاسى مۋسليم ماحمۋدوۆ ترامۆاي ۆاگونى اباي قۇنانباي ۇلىنىڭ 175 جىلدىعىنا ارنالعانىن اتاپ ءوتتى.

1

-بيىل ەلىمىز ۇلى اقىن، دانا ابايدىڭ 175 جىلدىعىن تويلاۋدا، - دەيدى مۋسليم ماحمۋدوۆ.

2

-سوندىقتان ءبىزدىڭ كاسىپورىنىمىز ترامۆايدى بوياپ، ونىڭ ولەڭدەرى مەن قارا سوزدەرىنەن ءۇزىندى، وسيەت بولاتىن سوزدەرىن جازىپ جولعا شىعاردى. قالا تۇرعىندارى، اسىرەسە جاستار ءبىلسىن دەدىك. جالپى ءبىزدىڭ ترامۆايلاردى وسىلاي بوياپ، تۇرلەندىرگەنىمىز تۇرعىندارعا ۇنايدى. جولاۋشىلاردان جاقسى لەبىزدەر، وڭ پىكىرلەر ەستيمىز.

7

بۇگىن 5-ءشى اينالمالى باعىتتا جولعا شىققان «اباي ترامۆايىنىڭ» جۇرەتىن باعىتتارى وزگەرىپ وتىرادى. 1 جىلدان استام ۋاقىتتا بارلىق باعىتتاردا ءجۇرىپ شىعادى. بۇگىن العاش رەت جولاۋشىلاردى تاسىمالداۋعا شىققان ترامۆاي ىشىندە جەرگىلىكتى ونەرپازدار اباي قۇنانباي ۇلىنىڭ ءانىن شىرقاپ، كۇيىن تارتىپ، كوپشىلىكتىڭ كوڭىلىن كوتەردى. ترامۆايعا 6 جاسار قىزىمەن بىرگە وتىرعان جولاۋشى اقتوتى ساريەۆا ۆاگوندى كورىپ تاڭ قالعانىن ايتتى.

6

-تاريحي تۇلعامىز ابايدىڭ 175 جىلدىعىن ەسكە الىپ، وسىنداي جۇمىس جاساپ وتىرعان ترامۆاي باسقارماسىنا ريزامىز، - دەدى اقتوتى ساريەۆا.

78

– كىرگەندە تاڭ قالدىم. ىشىندەگى دۋمان دا وتە اسەرلى. قىزىما دا ۇناپ جاتىر. ابايدىڭ كۇندەلىكتى تۇرعىنداردىڭ كوز الدىندا جۇرگەنى - قۇپتارلىق ءىس. مۋسليم ماحمۋدوۆتىڭ ايتۋىنشا، باسقارما مۇنداي اكتسيالاردى تۇراقتى تۇردە ۇيىمداستىرىپ تۇرادى. تامىز ايىندا ترامۆاي باسقارماسىنىڭ 55 جىلدىعىنا وراي مەرەيتويلىق ۆاگون جولعا شىعاتىن بولادى. ول ترامۆايدا كاسىپورىننىڭ تاريحى باياندالماق.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار