ايماقتار • 03 ماۋسىم، 2020

اتىراۋ: اتا-انادان اقشا نە ءۇشىن جينالادى؟

595 رەت كورسەتىلدى

وزگە جاقتى قايدام، بۇل وڭىردە اتا-انالاردان اقشا جيناۋ ءالى دە تيىلعان جوق. نەگە؟ جينالعان اقشا قايدا جۇمسالادى؟ «اتىراۋ – ادالدىق الاڭى» جوبالىق كەڭسەسىنىڭ باستاماسىمەن وتكەن ونلاين-كونفەرەنتسيادا  مەكتەپ ديرەكتورلارى مەن اتا-انالار كوميتەتىنىڭ 92 مۇشەسى بۇل ماسەلەنى كەڭىنەن تالقىعا سالدى.

– وتكەن جىلى 1 مىڭعا جۋىق اتا-انا مەن مۇعالىمدەر اراسىندا ءانونيمدى ساۋالناما جۇرگىزدىك. سونىڭ ناتيجەسىندە مەكتەپتەردە  اقشانىڭ 65%-ى  اتا-انالاردىڭ باستاماسىمەن جينالاتىنىن بىلدىك. ال، 35%-ى مۇعالىمدەردىڭ ۇسىنىسىمەن جينالادى ەكەن. جينالعان اقشانىڭ 30%-ى مۇعالىمدەرگە سىيلىق الۋعا، 38%-ى مەكتەپتەرگە قاجەتتى ماتەريالعا، 32%-ى وقۋشىلارعا ارنالعان ءتۇرلى مەرەكەلىك شارالاردى وتكىزۋگە جۇمسالىپ كەلگەن. وسىعان وراي سىبايلاس جەمقورلىققا قارسى قىزمەت 4 رەت ءتۇسىندىرۋ جۇمىسىن جۇرگىزدى. سونىڭ ناتيجەسىندە اتا-انالارعا اقشاسىن قايتارىپ بەردىك. ءتىپتى بيىل وقۋشىلار قاشىقتان وقىپ جاتسا دا، اتا-انالاردان اقشا جيناۋعا بايلانىستى حابارلار ءتۇستى، -دەدى «اتىراۋ –ادالدىق الاڭى» جوبالىق كەڭسەسىنىڭ جەتەكشىسى ءالفيا اديەۆا.

ونىڭ ءمالىم ەتۋىنشە، بىلتىر اتا-انالار 32 رەت شاعىم ايتىپتى. ال، بيىل اتا-انالار  سونداي 14 حابارلامامەن شەكتەلىپ وتىر.

ال، وبلىستىق ءبىلىم بەرۋ باسقارماسى باسشىسىنىڭ مىندەتىن اتقارۋشى اقكەنجە يسانبەرگەنوۆانىڭ ايتۋىنشا،  اتا-انالاردىڭ اراسىندا اقشا جيناۋعا قاتىستى  اڭگىمە دە، نارازىلىق تا بايقالادى. بىراق، سوڭعى ءۇش جىلدا اتا-انالار ءبىلىم بەرۋ باسقارماسىنا بىردە-ءبىر رەت شاعىم ايتپاپتى.

– مەكتەپ تۇلەكتەرىنىڭ كەشىن وتكىزۋگە تيىم سالىندى. سوعان وراي مۇعالىمدەر ارنايى بۇيرىقپەن  تانىسقانى جانە ونى ورىنداۋعا مىندەتتى ەكەنى تۋرالى قول قويعان، -دەدى اقكەنجە يسانبەرگەنوۆا.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار