ۆيتسە-مينيستر باق-قا بەرگەن سۇحباتىندا قازىرگى ۋاقىتتا قازاقستاندا ەكولوگيالىق ءتۋريزمدى دامىتۋ جونىندەگى جاڭا تۇجىرىمدامانى ىسكە اسىرۋعا كىرىسۋ جوسپارلانىپ وتىرعانىن اتاپ ءوتتى. جوسپاردى قۇرۋ الدىندا حالىقارالىق تاجىريبەنى زەرتتەۋ جۇرگىزىلدى. «مەن ۇلتتىق پاركتەر اۋماعىندا ءتۋريزمنىڭ بەلسەندى دامۋىنا قارسىلىق بىلدىرگەندەردىڭ ءبىرى بولدىم. بىراق ساپار بارىسىندا , تاجىريبەمەن, اتاپ ايتقاندا امەريكاندىق ەكوتۋريزمدى دامىتۋ تاجىريبەسىمەن تانىسقان كەزدە, مەن بۇل ماسەلە بويىنشا العاشقى ۇستانىمدارىمدى قايتا قارادىم. بۇگىن مەن ەكولوگيالىق ءتۋريزمدى دامىتۋ قاجەت دەپ سەنىممەن ايتا الامىن », - دەدى ە.نىسانباەۆ.
«اقش-تا ءبىز ءۇش ساياباقتى ارالادىق. ولاردىڭ يدەولوگياسىنداعى نەگىزگى ۇستانىم - بۇل تابيعاتقا سالىنعان اۋىرتپالىقتان ارىلۋ. بۇل اقش-تا ۇلتتىق پاركتەر اۋماعىندا ۇلكەن كاپيتالدى عيماراتتار جوق دەگەندى بىلدىرەدى. نەگىزىنەن ولار تەك مارشرۋتتار مەن جولداردى بەلسەندى دامىتادى », - دەدى ول.
سالىستىرۋ ءۇشىن كورنەكى مىسال رەتىندە ول قازاقستانداعى ۇلتتىق پاركتەردىڭ قازىرگى جاعدايىنا, اتاپ ايتقاندا, كەزدەسۋ وتكەن ىلە-الاتاۋ ساياباعىنىڭ جاعدايىنا نازار اۋداردى.
ء«بىز بۇگىن نە كورىپ وتىرمىز؟ ءبىز كوپتەگەن مەيرامحانالار مەن كاۋاپحانالاردى كورەمىز , ياعني ادامداردى ساياباققا بارعان كەزدە تاماقتانۋعا, دەمالۋعا, ءبىر جەردە تۇنەۋگە بولاتىندىعىنا سەندىرەمىز », - دەدى ە.نىسانباەۆ.
ۆيتسە-ءمينيستردىڭ پىكىرىنشە,جوعارىدا ايتىلعاندار ەكىنشى جوسپاردا بولىپ, ال الدىڭعى قاتاردا- ادامنىڭ تابيعاتپەن بايلانىسى بولۋى ءتيىس.
«ەڭ باستىسى - مارشرۋتتار مەن جولدار! ياعني, ادام تابيعاتپەن بايلانىسۋ ءۇشىن ۇلتتىق پاركتىڭ اۋماعىنا كىرۋى كەرەك. ۇلتتىق ساياباقتىڭ اۋماعىنا كىرىپ, كارتانى كورىپ, الدىمەن قىسقا, ۇزىن, قونىپ قالۋ مۇمكىندىگى بار جولداردى كورۋى كەرەك: », - دەدى ول. وسى ماقساتتا ۇلتتىق پاركتەردىڭ ينفراقۇرىلىمىن دامىتۋ ءتاسىلىن وزگەرتۋ جوسپارلانۋدا.
«بۇگىنگى كۇنگە دەيىن ۇلتتىق پاركتەردىڭ ينفراقۇرىلىمىن دامىتۋ ماسەلەسى جۇيەسىز بولىپ كەلدى . مىنە, ءبىز جالپى اۋماعى 200 گا بولاتىن 122 ۋچاسكەنى بيزنەس وكىلدەرىنە تاپسىردىق.ەگەر 199 مىڭدىق ۇلتتىق پاركتىڭ اۋماعىن الساق, بۇل بۇكىل اۋماقتىڭ 0,1% قۇرايدى. ال ءبىز نە كورىپ وتىرمىز؟ قىزمەتتىڭ دەڭگەيى مەن ساپاسى ءارتۇرلى. بۇگىنگى تاڭدا بۇل ايماق ۇلكەن تابىس اكەلەتىنىن جانە جەرگىلىكتى حالىقتى جۇمىسپەن قامتاماسىز ەتەتىندىگىن ەسكەرە وتىرىپ, ەكولوگيالىق ءتۋريزمدى دامىتۋ ءتاسىلىن وزگەرتۋ ۋاقىتى كەلدى, "- دەپ قوستى ە.نىسانباەۆ.
«بۇگىندە ۇلتتىق ساياباقتاردا كەشەندى جۇيە بولۋى كەرەك. قىزمەت كورسەتۋ ساپاسىن قامتاماسىز ەتەتىن بىرىڭعاي تۋريستىك ءونىمدى قۇرۋ قاجەت. بۇل ءبىزدىڭ باستى مىندەتىمىز», - دەپ ءتۇسىندىردى ۆيتسە-مينيستر.
ىلە الاتاۋى ۇلتتىق پاركى تۋرالى ايتا كەلە, ول تەندەر راسىمدەرىنىڭ ناتيجەسىندە باس جوسپاردى ورىنداۋ تاپسىرىلعان ينۆەستور انىقتالعانىن ەسكە سالدى.
بۇعان دەيىن حابارلانعانداي, ينۆەستور قورشاعان ورتاعا زيان كەلتىرمەي, تۋريستىك سوقپاقتاردى, كەمپينگتەردى, قازىرگى زامانعى سانيتارلىق كابينالاردى جانە باسقا دا قاجەتتى ينفراقۇرىلىمدارمەن جابدىقتاۋدى جوسپارلاپ وتىر.
«بارلىق جاڭا جوبالار ادام قىزمەتىنەن تۇسەتىن اۋىرتپالىقسىز تابيعاتپەن ۇيلەسىمدە جۇمىس ىستەيدى», - دەپ سەندىردى ەكولوگيا ۆيتسە-ءمينيسترى.
