الەمگە تارالعان ىندەت ەنەرگيا رەسۋرستارىنا دا ايتارلىقتاي اسەر ەتۋدە. سول سەبەپتى جىلدىق جوسپارعا تۇزەتۋلەر ەنگىزىلىپ جاتىر. ماسەلەن, وتكەن جىلى مۇناي جانە كوندەنسات ەكسپورتى 72,2 ملن تونناعا جەتكەن بولاتىن. ال بيىل بۇل كورسەتكىشتى قايتالاۋ مۇمكىن ەمەس.
– اتىراۋ وبلىسىنداعى «تەڭىز» كەن ورنىندا قۇنى 45,2 ملرد دوللار, سونىڭ ىشىندە قازاقستاننىڭ ۇلەسى 16 ملرد دوللاردى قۇرايتىن كەڭەيتۋ جوباسى جۇزەگە اسۋدا. 230-عا جۋىق وتاندىق سەرۆيستىك كومپانيا قۇرىلىس جۇمىستارىنا جۇمىلدىرىلدى. جوبا اياقتالعان سوڭ قوسىمشا 12 ملن توننا مۇناي وندىرۋگە بولادى. «قاشاعان» كەن ورنىندا 2022 جىلعا قاراي تاۋلىگىنە 450 مىڭ باررەلگە دەيىن مۇناي ءوندىرۋ جوسپارلانۋدا. سول ءۇشىن جاڭا گاز وڭدەۋ زاۋىتىن سالۋ جوبالارىن ىسكە اسىرۋدامىز. قازىر مەردىگەر كومپانيالارمەن جول كارتاسىن پىسىقتاپ, تالقىلاپ جاتىرمىز, – دەدى ن.نوعاەۆ.
ءمينيستردىڭ ايتۋىنشا, جەر قويناۋىن پايدالانۋشىلاردىڭ ەسەبىنەن 144 مىڭنان استام قازاقستاندىق مامان قايتا دايارلاۋدان وتكەن. قازىر عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى قارجىلاندىرۋ بويىنشا مىندەتتەمەلەر ازىرلەنۋدە.
بىلتىر جەر قويناۋىن پايدالانۋشىلاردىڭ عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى قارجىلاندىرۋعا 9,9 ملرد تەڭگە بولىنگەن ەدى. بيىل قازاقستاندىق كادرلاردى وقىتۋعا 21 ملرد تەڭگە جۇمسالادى.
جيىن بارىسىندا قورشاعان ورتانى قورعاۋ سالاسىنداعى فۋنكتسيالار مەن وكىلەتتىكتەر ەكولوگيا, گەولوگيا جانە تابيعي رەسۋرستار مينيسترلىگىنە اۋىسقانى ايتىلدى. ەندى ەنەرگەتيكا مينيسترلىگى مۇناي جانە گاز سالاسىن دامىتۋ, ستراتەگيالىق باعىتتاردى جۇزەگە اسىرۋ, ەلەكتر ەنەرگەتيكاسى, اتوم ەنەرگەتيكاسى, جاڭارتىلعان ەنەرگيا كوزدەرىن پايدالانۋ سالالارىنا جاۋاپتى.
– قازاقستاندا كومىرسۋتەك شيكىزاتىن بارلاۋ مەن وندىرۋگە ارنالعان 235 كەلىسىمشارت بار. سونىڭ ىشىندە: بارلاۋعا قاتىستى – 54, بىرلەسىپ بارلاۋ مەن ءوندىرۋ بويىنشا – 96, وندىرۋگە قاتىستى – 74, ءونىمدى ءبولۋ تۋرالى كەلىسىم بويىنشا 11 كەلىسىمشارت جاسالدى. ال ۋران وندىرىسىنە قاتىستى 25 كەلىسىمشارت ماقۇلداندى. گەولوگيالىق بارلاۋ جۇمىستارىنا بولىنگەن ينۆەستيا كولەمى – 158,4 ملرد تەڭگە, – دەدى ن.نوعاەۆ.
مينيستر حابارلاعانداي, ونەركاسىپتىك تۇتىنۋشىلار مەن كاسىپكەرلەرگە قولداۋ كورسەتۋ ءۇشىن تاۋارلىق گازعا شەكتى كوتەرمە باعالاردىڭ وسۋىنە جول بەرمەۋ جۇمىستارى جۇرگىزىلۋدە. وڭىرلەر ءۇشىن تاۋارلىق گازعا شەكتى كوتەرمە باعالاردى اعىمداعى دەڭگەيدە ساقتاۋ تۋرالى شەشىم قابىلداندى. بۇل كىشى جانە ورتا بيزنەس, بيۋدجەتتىك ۇيىمدار ءۇشىن بولشەك ساۋدا باعالارىن تەجەۋگە اكەلەدى. سونداي-اق مۋلتيپليكاتيۆتى اسەر رەتىندە جىلۋ ەنەرگياسىن وندىرەتىن جانە ەلەكتر ەنەرگياسىن شىعاراتىن وتىن-ەنەرگەتيكالىق كەشەنى ءۇشىن تاريفتەردى تەجەۋگە ىقپال ەتپەك.
