بريفينگتە بەلگىلى بولعانداي, قر پرەزيدەنتى قاسىم-جومارت توقاەۆ 04.05.2020 جىلى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعان. بۇل زاڭ ەلىمىزدىڭ 2010 جىلدان 2020 جىلعا دەيىنگى كەزەڭگە ارنالعان قۇقىقتىق ساياسات تۇجىرىمداسىنا سايكەس ازىرلەنگەن.
اتاپ وتسەك:
– ازاماتتاردىڭ ەڭبەك جانە الەۋمەتتىك قۇقىقتارىن تولىق ىسكە اسىرۋعا قاجەتتى جاعدايلاردى جاساۋ بولىگىندەگى ەڭبەك قاتىناستارىن رەتتەۋ;
– جۇمىس بەرۋشىلەر مەن جۇمىسشىلاردىڭ وكىلدەرىنىڭ قۇزىرەتتەرىن رەگلامەنتتەۋدى كوزدەيتىن الەۋمەتتىك ارىپتەستىك قاتىناستاردى رەتتەۋ;
– ەڭبەكتى قورعاۋدى باسقارۋ جۇيەسىن ەندىرۋدى كوزدەي وتىرىپ, ەڭبەك قاۋىپسىزدىگى جانە ەڭبەكتى قورعاۋ.
– ازاماتتاردىڭ ەڭبەك جانە الەۋمەتتىك قۇقىقتارىن تولىق ىسكە اسىرۋعا قاجەتتى جاعدايلاردى جاساۋ بولىگىندەگى ەڭبەك قاتىناستارىن رەتتەۋ;
– جۇمىس بەرۋشىلەر مەن جۇمىسشىلاردىڭ وكىلدەرىنىڭ قۇزىرەتتەرىن رەگلامەنتتەۋدى كوزدەيتىن الەۋمەتتىك ارىپتەستىك قاتىناستاردى رەتتەۋ;
– ەڭبەكتى قورعاۋدى باسقارۋ جۇيەسىن ەندىرۋدى كوزدەي وتىرىپ, ەڭبەك قاۋىپسىزدىگى جانە ەڭبەكتى قورعاۋ.
باۋىرجان احمەتالى ۇلىنىڭ مالىمدەۋىنشە, قر ەڭبەك كودەكسىنە 131 وزگەرىستەر مەن تولىقتىرۋلار ەنگىزىلگەن. شيراتىپ ايتساق, 67 باپ وزگەرتىلىپ, 41 تالاپ جاڭارعان. وسى رەتتە باسقارما باسشىسى ولاردىڭ ىشىندەگى ماڭىزدىلارىنا توقتالدى.
1. زاڭ ەڭبەك شارتتارىن ءتۇزۋ جانە ەسەپكە الۋ پروتسەسىن اۆتوماتتاندىرادى. وسىعان بايلانىستى «ەڭبەك شارتتارىن ەسەپكە الۋدىڭ بىرىڭعاي جۇيەسىن» ەنگىزىلگەن;
2. ەڭبەك سالاسىندا جۇمىسكەردىڭ قۇقىقتارى مەن بوستاندىقتارىنا شەكتەۋ جاساۋ فاكتىلەر بويىنشا جۇمىسكەرلەردى جاۋاپكەرشىلىككە تارتۋ نورماسى ەنگىزىلگەن;
3. بۇرىن جۇمىسكەردى اسكەري قىزمەتتە بورىشىن وتەۋگە شاقىرتۋلار ەڭبەك شارتىن توقتاتۋعا نەگىز بولعان بولسا, قازىر جۇمىس بەرۋشىگە ازاماتتىڭ جۇمىس ورنىن ساقتاۋدى مىندەتتەۋدى قاراستىرادى;
4. ەڭبەك شارتىندا جۇمىسكەرمەن كەلىسىم بويىنشا حابارلاما بەرمەي-اق, وتەماقى تولەمىن جۇرگىزىپ, جۇمىس بەرۋشىگە ەڭبەك شارتىن توقتاتۋعا مۇمكىندىك بەرگەن 50-باپتىڭ 3-تارماعى الىنىپ تاستالعان;
5. ەڭبەك قاۋىپسىزدىگى جانە ەڭبەكتى قورعاۋ جونىندە الەۋمەتتىك ارىپتەستىك سالاسىندا ناقتىلاۋ سيپاتىنا وزگەرىس ەنگىزىلگەن.
ونلاين-بريفينگ بارىسىندا باۋىرجان احمەتالى ۇلى باق وكىلدەرى تاراپىنان قويىلعان وزەكتى ساۋالدارعا جان-جاقتى جاۋاپ بەردى.
