عيماراتتىڭ سىرتىنا ارنايى شاتىرلار ورناتىلىپ, اراقاشىقتىعى ساقتالعان ورىندىقتار قويىلدى. ودان بولەك, كىرەبەرىستە دەزينفەكتسيالىق تۋننەل جۇمىس ىستەپ تۇر. ءار كىرگەن ادامنىڭ دەنە قىزۋى ارنايى اپپاراتپەن ءجىتى باقىلانۋدا.
قازىرگى تاڭدا ازاماتتارعا الەۋمەتتىك كومەك, جۇمىسپەن قامتۋ جانە كاسىپتىك وقىتۋ ماسەلەلەرى بويىنشا كەڭەستەر بەرىلىپ, قاجەت بولعان جاعدايدا قۇجاتتار قابىلدانۋدا.
ايتا كەتەيىك, ورتالىق 26 ناۋرىزدان باستاپ قاشىقتان جۇمىس ىستەۋگە كوشكەن بولاتىن. وسى ارالىقتا 15 مىڭعا جۋىق ازامات ااك بويىنشا ەلەكتروندى تۇردە قۇجاتتارىن راسىمدەگەن.
ال, بۇگىنگى تاڭعا دەيىن 4 مىڭ ادام ورتالىق ارقىلى تۇراقتى جۇمىسقا ورنالاسىپ, 2 500 ازاماتقا قوعامدىق جانە پراكتيكالىق جۇمىستارعا جولداما بەرىلگەن.
