دەپارتامەنتتىڭ مالىمەتىنشە وقيعا كەشە ساعات 17.00 شاماسىندا بولعان. ءجاسوسپىرىم جىگىت داريانىڭ رۇقسات ەتىلمەگەن اۋماعىنا سۋعا تۇسكەن كورىنەدى.
«وقيعا ورنىنا 5 قۇتقارۋشى 1 اۆتوكولىك جانە 1 قايىق باردى. قۇتقارۋشىلار جەدەل ارەكەتكە كىرىسىپ, ءجاسوسپىرىمنىڭ جانسىز دەنەسى ساعات 18.49 شاماسىندا جاعاعا شىعارىلدى», – دەلىنگەن حابارلامادا.
وبلىس اۋماعىندا كۇن كۇرت ىسىپ, سالقىنداۋ ءۇشىن داريا جاعالايتىندار كوبەيدى. سوندىقتان دا ماماندار سۋعا تۇسكەندە قاۋىپسىزدىك شارالارىن بارىنشا ساقتاۋدى سۇرايدى.
جالپى, جىل باسىنان بەرى ايماقتا 8 ادام سۋعا كەتىپ وتىر. ونىڭ بىرەۋى ء جاسوسپىرىم, ەكەۋى بالا, قالعانى ەرەسەك ازاماتتار.
