ءبىلىم جانە عىلىم مينيسترلىگىنىڭ مالىمەتىنشە, IV توقساندا قازاقستاندىق تەلەارنالار ارقىلى 3 000-نان استام تەلەساباق كورسەتىلدى. قازىرگى تاڭدا تاعى 15 000 بەينەساباق دايىنداۋ جوسپارلانىپ وتىر, ولار دەنساۋلىق جاعدايىنا بايلانىستى ۇيدە وقيتىن وقۋشىلار ءۇشىن نەمەسە اۋا رايىنىڭ قولايسىزدىعىنا بايلانىستى ساباق توقتاتىلعان جاعدايدا قوسىمشا ماتەريال رەتىندە پايدالانىلادى.
وسىعان وراي ۇيىمداستىرىلعان ونلاين كەزدەسۋدە مينيستر:
«جۇقتىرۋ قاۋپىنە, بارلىق قيىندىق مەن ءتيىستى تاجىريبەنىڭ جوقتىعىنا قاراماستان, سىزدەر وسى جۇمىسپەن اينالىسۋعا كەلىستىڭىزدەر. سول ءۇشىن سىزدەرگە العىسىمدى بىلدىرەمىن. سىرت كوزبەن قاراعان ادامعا بەينەساباقتاردى ءتۇسىرۋ وڭاي بولىپ كورىنۋى مۇمكىن. 20 جىل تاجىريبەسى بار مۇعالىم ءۇشىن تەلەساباق تۇسىرۋدە قانداي قيىندىق تۋىنداۋى مۇمكىن دەيتىندەر دە بار, بىراق بۇل – مۇلدەم باسقا جۇمىس. شىن مانىندە, كامەرا الدىندا سويلەگەنگە قاراعاندا, ۇيرەنشىكتى سىنىپتا 25 بالانىڭ الدىندا ساباق ءتۇسىندىرۋ الدەقايدا وڭايىراق», دەدى.
ۆەدومستۆو باسشىسى ەگەر ەپيدەميولوگيالىق جاعداي جاقسارسا, 1 قىركۇيەكتە مەكتەپتەر ءداستۇرلى وقىتۋ فورماتىنا ورالادى دەپ ۇمىتتەنەتىنىن, الايدا كەز كەلگەن جاعدايعا دايىن بولۋ قاجەت ەكەنىن ايتتى.
شارا بارىسىندا ءبىلىم جانە عىلىم ءمينيسترى بىرقاتار پەداگوگتى قۇرمەت گراموتاسىمەن, «ى.التىنسارين» جانە ء«بىلىم بەرۋ سالاسىنىڭ قۇرمەتتى قىزمەتكەرى» قۇرمەت بەلگىلەرىمەن ماراپاتتادى.
