«تۇركىستان وبلىسىندا 857,2 مىڭ گەكتار ەگىستىك القاپ بار. كوكتەمگى ەگىس جۇمىستارى تولىعىمەن اياقتالدى دەسە بولادى, 92 پايىزى اياقتالدى. قالعان ماقتاارال اۋدانىندا سۋ شايىپ كەتكەن ەگىستىكتى قايتا ەگىپ جاتىرمىز. جالپى تىڭايتقىشتى تولىعىمەن سۋبسيديالاۋ اياقتالدى. تۇقىم جەتەدى. بارلىق كەرەكتى شارالاردىڭ ءبارى دەر كەزىندە ورىندالدى», دەدى ومىرزاق شوكەەۆ.
ونىڭ ايتۋىنشا, قازىر ەڭ نەگىزگى ماسەلە ەگىستىكتى ءارتاراپتاندىرۋ بولىپ وتىر.
«ماقتا, ماساق سىندى ءداستۇرلى داقىلداردى ازايتىپ, ونىڭ ورنىنا كوكونىس, مال ازىعى داقىلدارىن كوبەيتۋ جوسپارلانعان. بىراق تۇبەگەيلى جاعدايدى وزگەرتۋ ءۇشىن ءبىز جاڭا تەحنولوگيالاردى قولدانۋىمىز كەرەك. وسىعان بايلانىستى ءبىز قازىر 3 باعىتتى ۇستانىپ وتىرمىز. وڭتۇستىك قازاقستاننىڭ جەر تەلىمدەرى شارۋالارى دا وتە از. ول جەرلەرگە جاڭا تەحنولوگيالاردى پايدالانۋ مۇمكىن ەمەس. سوندىقتان كووپەراتيۆتەردى قۇراستىرىپ, جاڭا تەحنولوگيالاردى الىپ كەلۋ كەرەك. وسىعان بايلانىستى ءبىز تۇركىستاننىڭ توڭىرەگىندە جاڭبىرلاتىپ سۋعارۋ تەحنولوگياسىن قولدانىپ وتىرمىز. جالپى ءبىزدىڭ جوسپارىمىز 11 مىڭ گەكتارعا جاڭبىرلاتىپ سۋعارۋ تەحنولوگياسىن الىپ كەلىپ, سول جەردە تۇرعان شارۋالاردىڭ ءبارىن بىرىكتىرۋ. قازىر 3 كووپەراتيۆ بىرىكتىرىلدى», -دەدى وبلىس اكىمى.
