«2020 جىلى اۋىل شارۋاشىلىعى داقىلدارىن 22,5 گا الاڭعا ەگۋ جوسپارلاندى. بۇل 2019 جىلعى دەڭگەيدەن 238 مىڭ گا كوپ. بۇل رەتتە يمپورتتىڭ ورنىن باسۋ ءۇشىن جوعارى رەنتابەلدى داقىلدار پايداسىنا ەگىس الاڭدارىنىڭ قۇرىلىسىن ءارتاراپتاندىرۋ ماسەلەسىنە ەرەكشە نازار اۋدارىلادى. وسىلايشا وسى جىلى مايلى داقىلداردىڭ الاڭى 122,2 مىڭ گەكتارعا, كوكونىس داقىلدارىنىڭ الاڭى 10 مىڭ گەكتارعا, باقشا داقىلدارىنىڭ الاڭى 1,5 مىڭ گەكتارعا, كارتوپ الاڭى 7,8 مىڭ گەكتارعا, ازىقتىق داقىلداردىڭ الاڭى 308,6 مىڭ گەكتارعا, قانت قىزىلشاسىنىڭ الاڭى 2,4 مىڭ گەكتارعا ۇلعايادى», - دەدى ساپارحان وماروۆ.
ونىڭ ايتۋىنشا ءداندى داقىلدار الاڭى 14,9 ملن گەكتاردى قۇرايدى. بۇل وتكەن جىلمەن سالىستىرعاندا 191,6 مىڭ گەكتارعا كەم.
«بۇل ەگىن القاپتارىن ديۆەرسيفيكاتسيالاۋ بويىنشا قويىلعان ماقساتتارعا تولىعىمەن سايكەس كەلەدى. قازىرگى ۋاقىتتا اۋىل شارۋاشىلىعىن ەگۋ رەسپۋبليكانىڭ بارلىق ايماقتارىندا جۇرگىزىلۋدە. اتاپ ايتقاندا ءداندى جانە بۇرشاقتى داقىلدى 9,6 ملن گەكتارعا نەمەسە جوسپارلانعان الاڭنىڭ 65 پايىزىنا, مايلى داقىلدار 2,3 ملن گەكتارعا نەمەسە 76 پايىزىنا, كوكونىس باقشا داقىلدارى مەن كارتوپ 400 مىڭ گەكتارعا نەمەسە 85 پايىزعا, قانت قىزىلشاسى 20,5 گەكتارعا نەمەسە 93 پايىزعا ەگىلدى», - دەدى ول.
ءمينيستردىڭ اتاپ وتۋىنشە, وڭتۇستىك وڭىردە, سونداي-اق اقتوبە, اتىراۋ وبلىستارىندا ەگىن جۇمىستارى اياقتالۋعا جاقىن.
«قازگيدرومەتتىڭ بولجامىنا سايكەس مامىردىڭ ءۇشىنشى ونكۇندىگى جاڭبىرلى بولادى دەپ كۇتىلۋدە. اسىرەسە بۇل قوستاناي, باتىس قازاقستان, اقمولا, سولتۇستىك قازاقستان, شىعىس قازاقستان جانە پاۆلودار وبلىستارىنا قاتىستى», دەدى ول.
