2016 جىلدىڭ ناۋرىزىندا ەلىمىزدە پارلامەنت ءماجىلىسىنىڭ جانە ءماسليحات دەپۋتتارىنىڭ سايلاۋى ءوتتى. رەسپۋبليكا كونستيتۋتسياسىندا دەپۋتاتتاردىڭ وكىلەتتىگى 5 جىل دەپ كورسەتىلگەن.
سوندىقتان كەلەسى كەزەكتى سايلاۋ 2021 جىلدىڭ ناۋرىز ايىنان كەشىكتىرىلمەي ءوتۋى ءتيىس. دەمەك, ساياسي پارتيالاردىڭ ەندىگى سايلاۋىنا 10 ايداي ۋاقىت قالدى. كەلەسى ءماسليحات دەپۋتاتتارىن سايلاۋ ەرەكشە بولماق. ويتكەنى دەپۋتاتتار پارتيا ۇسىنعان ءتىزىم بويىنشا سايلانادى.
وسىعان وراي اۋدانداردا, وبلىستاردا, قالالاردا سايلاۋ وتكىزۋدىڭ ماڭىزى ارتا تۇسەدى دەپ ويلايمىن. بۇعان قوسا, پارتيا ءتىزىمىن ۇسىنعان كەزدە ونداعى ايەلدەر مەن 29 جاسقا تولماعان جاستاردىڭ ۇلەسى 30 پايىزدان كەم بولماۋى ءتيىس. بۇل ايەلدەر مەن جاستارعا ۇلكەن جول اشپاق.
ءدال وسى زاڭ جوبالارىن پارلامەنت قابىرعاسىندا تالقىلاۋ بارىسىندا پارتيالىق تىزىمگە ەنەتىن ايەلدەر مەن جاستاردىڭ ۇلەسى 50 پايىزدان اسۋى كەرەك دەگەن تاقىرىپقا قاتىستى دا قىزۋ پىكىرتالاس بولدى. زاڭدا ايەلدەر مەن جاستاردىڭ ۇلەسى 30 پايىزدان شەكتەلسىن دەلىنبەگەن. بۇل – ەڭ تومەنگى كورسەتكىش.
ولاردىڭ ۇلەسى 34, 45, 55 پايىزدان جوعارى بولسا دا شەكتەۋ قويىلمايدى. مەنىڭشە, الدىمىزداعى سايلاۋ وتە قىزىقتى وتەدى. ونىڭ ىشىندە ءماسليحات دەپۋتاتتارىنىڭ پارتيالىق تىزىممەن سايلانۋى سايلاۋعا جاڭا سەرپىن بەرەدى.
تولەۋتاي راقىمبەكوۆ,
ۇلتتىق اگرارلىق عىلىمي ءبىلىم بەرۋ ورتالىعىنىڭ باسقارما توراعاسى
