جۇرتشىلىق حقو-دا ەلەكتروندى فورماتتا الۋ قاراستىرىلماعان, «قاعاز» جۇزىندەگى قىزمەتتەردى عانا الا الادى. بۇل شامامەن 100 مەملەكەتتىك قىزمەت, ولاردى الۋ ءۇشىن مەكەمەگە بارۋعا تۋرا كەلەدى. سونداي-اق egov.kz پورتالى ارقىلى ونلاين تۇردە راسىمدەلگەن قىزمەتتەردىڭ دايىن ناتيجەسىن الۋعا بولادى. ورتالىققا بارۋ ءۇشىن الدىن الا كەزەكتى برونداۋ مىندەتتى.
ايتا كەتۋ كەرەك, وزگەرىستەر تەك نۇر-سۇلتان, الماتى جانە شىمكەنت قالالارى مەن وبلىس ورتالىقتارىندا ورنالاسقان حقو-لارعا قاتىستى. اۋدان ورتالىقتارىندا جانە اۋىلدى ەلدى مەكەندەردە ورنالاسقان مەكەمەلەر بۇرىنعىداي جۇمىس ىستەي بەرەدى.
كەزەككە تاپسىرىس بەرۋ كەرەك
حالىققا قىزمەت كورسەتۋ ورتالىعىنا باراردا كەزەك ۋاقىتىنا تاپسىرىس بەرۋ ءۇشىن egov.kz ەلەكتروندى ۇكىمەت پورتالىن, eGovKzBot 2.0 تەلەگرام-بوتىن پايدالانۋعا نەمەسە 1414 نومىرىنە قوڭىراۋ شالۋعا بولادى. برون قىزمەت الۋشىنىڭ جسن-ءىن تىركەۋ ارقىلى جاسالادى. ەگەر باراتىن ۋاقىتىن الدىن الا بەلگىلەمەسە, كەزەكتى سول جەردە برونداۋعا بولادى. الايدا قابىلداۋ ءدال سول ۋاقىتتا بولاتىنىنا كەپىلدىك بەرىلمەيدى.
egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن قازاقستاندىقتار ۇيىندە وتىرىپ الا الادى. ول ءۇشىن ەلەكتروندى تسيفرلى قولتاڭباسى بولسا بولعانى. ەتسق-نى دا پورتالدان الۋ مۇمكىندىگى بار.
كەيبىر قىزمەتتەردى ەتسق-سىز, ءبىر رەتتىك قۇپياسوزدىڭ كومەگىمەن دە الۋعا مۇمكىندىك جاسالعان. ول ءۇشىن ءموبيلدى ازاماتتار بازاسىندا تىركەلۋ قاجەت. قىزمەتتەردى ونلاين الۋ بويىنشا سۇراق تۋىنداسا, 1414 نومەرىنە نەمەسە پورتالداعى ۆيرتۋالدى اسسيستەنتكە حابارلاسقان ءجون.
بەينەقوڭىراۋ بار
ازاماتتارعا ارنالعان ۇكىمەت وپەراتورلارى قازاقستاندىقتارعا egov.kz پورتالىنداعى بەينە قوڭىراۋ ارقىلى تىكەلەي كەڭەس بەرە الادى. ول ءۇشىن پاراقشانىڭ وڭ جاق تومەنگى بۇرىشىنداعى «ۆيرتۋالدى اسسيستەنت» باتىرماسىن باسىپ, اشىلعان تەرەزەدەن بەينەكامەرانىڭ بەلگىسىن تاڭدايسىز.
سونىمەن قاتار كومپيۋتەرى نەمەسە ينتەرنەتكە شىعۋ مۇمكىندىگى جوق ازاماتتار ءۇشىن حقو عيماراتتارىنان بولەك, 328 وزىنە ءوزى قىزمەت كورسەتۋ بۇرىشى اشىلدى. ولار اۋداندىق اكىمدىكتەردىڭ عيماراتتارىندا, وقۋ ورىندارىندا, مەديتسينا ۇيىمدارىندا, ساۋدا ويىن-ساۋىق ورتالىقتارىندا جانە باسقا دا نىسانداردا ورنالاسقان. الداعى ۋاقىتتا مۇنداي بۇرىشتار سانى كوبەيەدى. ءۇش ساناتتاعى ازاماتتار – زەينەتكەرلەر, كوپبالالى وتباسىلار, مۇمكىندىگى شەكتەۋلى ازاماتتار ەلەكتروندى قىزمەتتەردى حقو-نىڭ جەڭىلدىك تەرەزەسى ارقىلى الا الادى.
20 مامىردان باستاپ ايماقتىق شتابتاردىڭ رۇقساتىمەن 10 وڭىردەگى حقو مەكەمەلەرى تولىعىمەن جۇمىس ىستەيدى باستاعانىن ايتا كەتەيىك. بۇلار: نۇر-سۇلتان قالاسى مەن اقمولا, اقتوبە, الماتى, قاراعاندى, قوستاناي, قىزىلوردا, تۇركىستان, سولتۇستىك قازاقستان جانە پاۆلودار وبلىستارى. ال الماتى, شىمكەنت, اتىراۋ جانە شىعىس قازاقستان وبلىستارىندا حقو تەك بيزنەس وكىلدەرىنە قىزمەت كورسەتەدى. جامبىل وبلىسىنداعى ورتالىقتار جابىق.
