ءدال قازىرگى ۋاقىتتا قازاق­ستاندىق جانكۇيەرلەردى «بارىس­تىڭ» تىزگىنىن كىم ۇستايدى دەگەن سۇراق مازالاۋدا. ويت­كەنى ساۋىردەن بەرى باس باپكەرسىز قال­عان «بارىس» ەكى اي بويى جات­تىق­تىرۋشى تابا الماي ءجۇر. بال­كىم، بۇعان كوماندانىڭ ال­داعى ماۋسىمداعى بيۋد­جەتى­نىڭ بە­كىتىلمەگەندىگى سەبەپ بولۋى مۇمكىن. ويتكەنى جىل­­دىق شى­عىندى ەسەپتەمەي، جاتتىق­تى­رۋشىمەن كەلى­سىم­شارت جاساي ال­مايتى­نى بەل­گىلى. قازاقستاندىق باق وكىل­دەرىنىڭ جازۋىنشا، «با­رىس­تىڭ» باسشىلىعى جاڭا باس جات­تىقتىرۋشىنىڭ ەسىمىن كەلەسى ايدىڭ باسىندا جاريالاۋى مۇم­كىن. سەبەبى كوماندالار شىلدەدەن باستاپ جاڭا ماۋسىمعا جاتتىعۋ جيىندارىن باس­تاۋى كەرەك.

ەلوردا ۇجىمىنا باپكەر بولىپ كەلەتىن كانديداتتاردىڭ ىشىندە رەسەي، فينليانديا، كانادا، بەلارۋس جانە قازاقستاننىڭ ماماندارى بار ەكەنى ايتىلۋدا. سونداي-اق «بارىسقا» كەلگەن مامان مىندەتتى تۇردە قازاق­ستان ۇلتتىق قۇراماسىن دا جات­تىق­تىرۋى كەرەك. ال كوپ جاع­دايدا جاتتىقتىرۋشىلار «ەكى كەمەنىڭ باسىن ۇستاۋعا» كەلىسىمىن بەرە بەرمەيدى.

سپورت ساراپشىلارى «با­رىستى» باپتاۋى مۇمكىن دەگەن جات­تىق­تىرۋشى­لاردىڭ ىشىن­دە نەگىزگى ۇمىتكەر – قازاق جان­كۇيەر­­لەرىنە ەسىمى جاقسى تانىس فين­ليانديالىق اري-پەككا سەلين ەكەنىن ايتىپ جاتىر. فين مامانى ەلوردا كومانداسىن بۇعان دەيىن 2013/2014 جىلعى ماۋ­سىمدا جاتتىقتىرىپ، ءبىراز جەتىستىككە قول جەتكىزگەن. سەليننىڭ قول استىندا «بارىس» چەرنىشەۆ ديۆيزيونىندا ءبىرىنشى رەت توپ جارىپ، گاگارين كۋبوگى جارىس جولىندا پلەي-وفف باسەكەسىنىڭ ەكىنشى كەزەڭىنە شىققان.

ال كوماندانى كەيىنگى ەكى جىلدا باسقارعان 49 جاستاعى اندرەي سكا­ەلكا «بارىسپەن» بىرگە ءتاۋىر ناتيجە كور­سەتىپ، اري-پەككا سەليننىڭ جەتىستىگىن قايتالاعانىن ايتا كەتەيىك. ويت­كەنى ەكى ماۋسىمدا دا جەرلەس­تەرىمىز چەرنىشەۆ ديۆيزيونىندا توپ جارىپ، شىعىس كونفەرەنتسياسىندا ەكىنشى ورىنعا تابان تىرەدى. ەكى رەتىندە دە پلەي-وفف دودا­سىنىڭ ەكىنشى كەزەڭىنە شىقتى. تىپتەن، بيىل گاگارين كۋبوگىندا ودان دا زور كور­سەتكىشكە قول جەتكىزۋگە شاق قالعان ەدى. بىراق كوروناۆيرۋسقا بايلانىستى «بارىس» باسەكەنى جالعاستىرۋدان باس تارتتى.

جۇمىس ورنىن نۇر-سۇلتاننان يارو­سلاۆل قالاسىنا اۋىستىرعان بەلا­رۋس مامانى قازاقتىڭ «قۋىس ۇيدەن قۇر شىقپا» دەگەن ما­قا­لىن ۇستاندى ما ەكەن، وتكەن ماۋسىمدا «بارىس» قۇرامىندا ۇزدىك ونەرىمەن كوزگە ءتۇسىپ، كوماندانى ورگە سۇيرەگەن ەكى بىردەي ويىنشىنى وزىمەن بىرگە «لوكوموتيۆكە» الىپ كەتتى.

اتاپ ايتار بولساق، كانادالىق قاقپا­شى ەددي پاسكۋالە مەن فين­ليانديالىق قورعاۋشى اتتە وحتاماا قحل-ءدىڭ كەلەسى ماۋسىمىندا تەمىرجولشىلاردىڭ نامىسىن قورعايدى. ەكى حوككەيشى دە وت­كەن ماۋسىمدا «بارىستىڭ» نەگىزگى قۇرام­داعى ويىنشىسى ەدى. 2019 جىلى ەلوردا ۇجىمىن تولىقتىرعان تاعى ءبىر كانادالىق حوككەيشى كوربان نايت ومبىنىڭ «اۆانگاردىنىڭ» شابۋىل شەبىن كۇشەيتەدى دەگەن ۇمىتپەن سول جاققا شاقىرتۋ الدى.

كەلەسى ماۋسىمدا «بارىس» جاقسى ونەر كورسەتىپ، جانكۇيەر­لەردىڭ كوڭىلى­نەن شىعۋ ءۇشىن كوماندادان كەتكەن ويىن­شىلاردىڭ ورنىن جوقتاتپايتىن ءتاۋىر ويىنشىلارمەن قۇرامدى كۇشەيتۋ كەرەك. الايدا، «بارىس» جاڭا حوككەيشىلەردى قۇرامعا قوسۋعا اسىعار ەمەس. ويتكەنى ترانسفەر بازارىنداعى بەلسەندىلىكتى باي­قاي الماي وتىرمىز. قازىرگى تاڭدا سۇيىكتى كوماندامىز وتكەن ماۋسىمدا كەلىسىمشارتى اياقتالعان ويىن­شىلار­مەن جاڭا كەلىسىم ورناتىپ، كلۋب تار­بيەلەنۋشىلەرىن نەگىزگى قۇرامعا قوسۋدان قولدارى بوساماي جاتقان سياقتى.

ماسەلەن، وتكەن اپتادا ەكى بىردەي ويىنشىمەن كەلىسىم­شار­تىن ۇزارتتى. 2016 جىلدان بەرى «بارىس» كلۋبىندا ويناپ كەلگەن قورعاۋشى ەگور شالاپوۆ ەلوردا كومانداسىندا تاعى ەكى جىل ونەر كورسەتەتىن بولدى. قحل-ءدىڭ وتكەن ماۋ­سىمىندا 60 ويىنعا قاتىسقان شا­لاپوۆ ءبىر شايبا سوعىپ، 10 رەت ناتيجەلى پاس اسىرعان. سونىمەن قاتار قاقپاشى حەنريك كارلسسونمەن بىرجاقتى كەلىسىم جاسالدى. حەنريك 2021 جىلدىڭ 30 ساۋىرىنە دەيىن «بارىس» قاقپاسىن قور­عايدى.

ال 2017/18 جانە 2018/19 جىلعى ماۋ­سىمدا «بارىس» قۇرا­مىندا ويناعان شابۋىلشى مەتت فرەتتين كلۋبقا قايتا ورالدى. ول دا 2021 جىلدىڭ 30 ساۋىرىنە دەيىن ەلوردالىقتار قاتارىندا بولماق. 32 جاستاعى كانادالىق سپورتشى كەزىندە ۇلتتىق حوككەي ليگاسىندا دا ويناعان. ناقتىلاپ ايتساق، 2011/13 جىلدارى «تورونتو مەيپل ليفس»، 2013/14 جىلدارى «لوس-اندجەلەس كينگز»، 2014 جىلى «كو­لامبۋس بليۋ دجەكەتس» كلۋب­تارىنىڭ نا­مىسىن قورعادى. بيىل­عى ماۋسىمدى «اق بارىستىڭ» سا­پىندا وتكىزىپ، 60 كەزدەسۋدەن كەيىن 33 (11 گول+22 پاس) ۇپاي جيدى.

 سونىمەن قاتار بۇعان دەيىن «با­رىس» ساپىندا ونەر كورسەتىپ كەلگەن  شابۋىلشىلار اركادي شەستاكوۆ، رومان ستارچەنكو، نيكيتا ميحايليس جانە قورعاۋشى ەگور شالاپوۆ كەلىسىم­شارتتارىن ەكى جىلعا ۇزارتقانى بەلگىلى بولدى. جۋىردا كلۋبتىڭ رەسمي سايتى «بارىستىڭ» ەكىنشى كومانداسى سانالاتىن «نوماد» كلۋبىندا جاسىنداي جارقىلداپ، كوزگە تۇسكەن بىرقاتار ويىنشىلارمەن ەڭبەك كەلىسىمشارتىن جاساعانىن حابارلادى. اتاپ ايتار بولساق، قحل-ءدىڭ الداعى ماۋسىمىندا قاقپاشى دەنيس كاراتاەۆ، شابۋىلشىلار سايان دانيار، انتون نەكرياچ جانە يۆان ۆەرەششاگين «بارىستىڭ» نامىسىن قورعايدى.