– پوليتسيا قىزمەتكەرلەرى ءتۇس كەزىندە اتىراۋ قالاسىنداعى كاسپي ىقشام اۋدانى مەن تۇرعىندار قالاشىعى-اۆانگارد شاعىناۋداندارى اراسىندا سالىنعان جاياۋ كوپىردىڭ تۇسىندا سەرۋەندەپ, جايىق وزەنىنە سۋعا شومىلىپ جۇرگەن ونعا جۋىق ءجاسوسپىرىمدى انىقتادى. بالالارىنىڭ وزەن جاعالاپ, قاۋىپتى جايتتى ەسكەرمەستەن, سۋعا ءتۇسىپ جۇرگەنىنەن بەيحابار اتا-انالار قالالىق پوليتسيا باسقارماسىنا شاقىرتىلدى. ولارعا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 364-بابىمەن (ورتاق سۋ پايدالانۋ قاعيدالارىن بۇزۋ) حاتتامالار تولتىرىلدى,- دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
