22 جاستاعى ناومي جاپونيانىڭ وساكا قالاسىندا تۋعانىمەن, ءۇش جاسىندا اتا-اناسىمەن اقش-قا قونىس اۋدارعان. 2012 جىلدان باستاپ ۇلكەن سپورتقا قادام باسقان جاپون قىزى بۇگىنگە دەيىن WTA ساناتىنداعى 5 ءىرى تەننيس تۋرنيرىندە توپ جارعان. ونىڭ ەڭ ءىرى جەتىستىكتەرىنىڭ قاتارىندا «ۇلكەن دۋلىعا» دوداسىنىڭ ەكى بىردەي باس جۇلدەسى بار. 2018 جىلى اقش اشىق چەمپيوناتىندا جەڭىمپاز اتانعان وساكا اراعا جىل سالىپ, اۋستراليا بىرىنشىلىگىندە قارسىلاس شاق كەلتىرمەي, تۇعىردىڭ بيىك ساتىسىنان كورىندى.
بۇعان دەيىن الەمدەگى تابىستى ايەل سپورتشىلاردىڭ كوشىن امەريكالىق تەننيسشى سەرەنا ۋيليامس باستاپ تۇرعان ەدى. بيىل اقش سپورتشىسى وساكادان 1,4 ملن دوللار از قارجى جيناپ, ەكىنشى ورىنعا ءتۇسىپ قالدى. وساكا 2019 جىلدىڭ 28 قاڭتارىندا ازيا سپورتشىلارى اراسىندا الەمدىك رەيتينگتە كوش باستاعان ەڭ ءبىرىنشى سپورتشى اتاندى. ول بۇل اتاعىن 25 اپتا ساقتاپ تۇردى. قازىرگى تاڭدا ناومي WTA رەيتينگىندە ءۇشىنشى ورىنعا جايعاسقان.
