بولىنگەن قاراجاتتىڭ ماقساتتى پايدالانىلۋىن جانە ماقتاارال اۋدانىندا زاقىمدانعان نىسانداردى قالپىنا كەلتىرۋدى «تۇركىستان» الەۋمەتتىك دامۋ قورى قامتاماسىز ەتپەك. قازىرگى ۋاقىتتا «سامۇرىق-قازىنا» قورى, تۇركىستان وبلىسىنىڭ اكىمدىگى جانە «تۇركىستان» الەۋمەتتىك دامۋ قورى اراسىندا كەلىسىمگە قول قويۋ ماسەلەسى پىسىقتالۋدا.
ايتا كەتەيىك, بۇعان دەيىن «سامۇرىق-قازىنا» اق 2019 جىلى وق-ءدارى جارىلىسىنان زارداپ شەككەن تۇركىستان وبلىسىنىڭ ارىس قالاسىن قالپىنا كەلتىرۋگە جانە قۇرىلىس جۇمىستارىنا 7 ملرد تەڭگە باعىتتادى. سونىڭ ناتيجەسىندە 68 نىسان قالپىنا كەلتىرىلگەن. ونىڭ ىشىندە 64 نىسان جوندەلسە, 4-ەۋى قايتادان سالىندى.
ەسكە سالا كەتسەك, 1 مامىر كۇنى قاتتى جاڭبىر مەن داۋىلدان وزبەكستانداعى ساردوبا سۋ قويماسىنىڭ بوگەتى جارىلىپ, تۇركىستان وبلىسى ماقتاارال اۋدانىنىڭ شەكارا ماڭىنداعى كوللەكتورلارىنا سۋ تولىپ, بىرنەشە ەلدى مەكەندى سۋ باستى. وسىعان بايلانىستى تۇركىستان وبلىسى ماقتاارال اۋدانىندا توتەنشە جاعداي جاريالانعان-دى.
