جالپى الاڭى 2 گەكتار بولاتىن جىلىجاي كەشەنىن قارجىلاندىرۋعا بيىل 750 ملن تەڭگە جۇمسالعان. نىساندا تۇراقتى جۇمىس ىستەيتىن 40 ادام تاۋلىگىنە 5-6 توننا كوكونىس جينايدى. ال جينالعان ونىمدەر قالا ماڭىندا ورنالاسقان ساۋدا دۇكەندەرىنىڭ سورەلەرىندە تومەن باعامەن ساتىلۋدا.
«KazAgroMir» جىلىجايىنىڭ اگرونومى اقىلبەك تەلەۋوۆتىڭ ايتۋىنشا, قيارعا ارتتىق نيتراتتار بەرىلمەيدى ەكەن.
ماۋسىم ايىنىڭ اياعىندا پىسكەن ونىمدەردى جيناپ, ورنىن تازالاپ, دەزينفەكتسيالاپ, سوسىن كەلەسى كەزەڭگە كوشەمىز. ال الداعى ۋاقىتتا, قىزاناق, قيار, سالات جاپىراعىنىڭ گيبريدتەرىن, باسقا كوكونىس تۇرلەرىن تاڭداپ, تالداۋ جاساپ, كۇزگە قاراي دايىندايمىز, - دەيدى اگرونوم اقىلبەك تەلەۋوۆ.
«قازاگروقارجى» سىر ديقاندارىنىڭ اۋىلشارۋاشىلىعى تەحنيكالارى مەن جابدىقتارىن ساتىپ الۋىنا دا قولۇشىن بەرىپ كەلەدى. ايماقتىڭ اۋىلشارۋاشىلىعىنا ينۆەستيتسيالانعان 41 ملرد تەڭگەنىڭ 34 ملردى اگروتەحنيكالار بازاسىن جاڭارتۋعا باعىتتالعان. قىزىلوردالىق شارۋالار بۇگىندە جەر جىرتىپ, ەگىن ەگۋدە اكسيون, دويتس تراكتورلارىن, دجون دير, كلاسس, كەيس, تورۋم كومبايندارىن, ماك دون دەستەلەگىشتەرىن پايدالانادى.
«قازاگروقارجى» سياقتى ينستيتۋتتىڭ تىكەلەي ىقپالىمەن ايماقتا مال سويۋ تسەحى, تاۋارلى-ءسۇت فەرماسى, مال بورداقىلاۋ الاڭى, جىلىجاي سەكىلدى جالپى قۇنى 7 ملرد تەڭگەگە 15 ينۆەستجوبا جۇزەگە اسىرىلدى. مەملەكەتتىك قولداۋدىڭ ارقاسىندا ايماقتىڭ اۋىل شارۋاشىلىعىندا سوڭعى جىلدارى كۇرىش شىعىمدىلىعى 1,8-2 ەسەگە دەيىن ارتتى.
