شارادا اۋدان باسشىسى باس مەردىگەرلەر جۇمىسىنا ساتتىلىك تىلەپ, قۇرىلىستىڭ ساپالى ءارى ۋاقىتىلى جۇرگىزىلۋىن تاپسىردى.
- مەملەكەت باسشىسى اتاپ وتكەندەي, بۇگىندە ەلىمىزدە تۇرعىن ءۇي ماسەلەسى ەڭ وتكىر الەۋمەتتىك پروبلەمالار قاتارىندا تۇر. سونىڭ ىشىندە, اۋدانىمىزدا دا باسپانا ماسەلەسى وزەكتى. وسى ورايدا, ءوز ۇيىنە قول جەتكىزگىسى كەلەتىن اۋدان تۇرعىندارىنىڭ ماسەلەسىن شەشۋ ماقساتىندا قولعا الىنعان اۋقىمدى قۇرىلىس جۇمىسى اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ تاپسىرىسى بويىنشا جۇزەگە اسىرىلۋدا, – دەدى اۋدان باسشىسى.
تۇرعىن ۇيلەردى جەرگىلىكتى «ناۋرىز قۇرىلىس» جشس جانە «ارال سۋ-قۇرىلىسى» جشس سالادى. جوبانىڭ قارجىسى «تۇرعىن ءۇي قۇرىلىس جيناق بانكىمەن» كەلىسىم-شارت نەگىزىندە وبلىستىق بيۋدجەت ەسەبىنەن ءبولىنىپ وتىر. ياعني, جاڭا باسپاناعا «تۇرعىن ءۇي قۇرىلىس جيناق بانكى» ارقىلى كەزەكتە تۇرعان سالىمشىلار قول جەتكىزە الادى. بۇگىنگى باستاۋ العان قۇرىلىس جۇمىستارى اياسىندا اۋداندىق جۇمىسپەن قامتۋ, الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمى ارقىلى 50-گە جۋىق اۋدان تۇرعىنى جۇمىسپەن قامتىلىپ وتىر.
