ايماقتار • 23 مامىر، 2020

گۇلشارا ابدىقالىقوۆا جۇمىس ساپارىمەن جالاعاش اۋدانىندا بولدى

55 رەت كورسەتىلدى

ساپار بارىسىندا ايماق باسشىسى ەلدى مەكەندەردىڭ جاعدايىمەن، الەۋمەتتىك نىسانداردىڭ جۇمىسىمەن جانە «جۇمىسپەن قامتۋ جول كارتاسى 2020» مەملەكەتتىك باعدارلاماسىنىڭ جۇزەگە اسىرىلۋ بارىسىمەن تانىستى. 

«جۇمىسپەن قامتۋ جول كارتاسى» مەملەكەتتىك باعدارلاماسى شەڭبەرىندە اۋدانعا 1،7 ملرد تەڭگە بولىنگەن. بۇل قارجى، تۇرعىن ءۇي-كوممۋنالدىق شارۋاشىلىعى، اباتتاندىرۋ، ينجەنەرلىك-كولىكتىك ينفراقۇرىلىمدى دامىتۋ جوبالارىنا باعىتتالاتىن بولادى جانە 682 جاڭا جۇمىس ورنىن اشۋعا مۇمكىندىك بەرەدى.

الدىمەن، وبلىس اكىمى ەڭبەك اۋىلدىق وكرۋگىندەگى سپورت كەشەنىنىڭ جۇمىسىمەن تانىستى. بۇل اۋىلدا 2،1 شاقىرىم ىشكى جولدارىنىڭ ورتاشا جوندەۋ جۇمىستارى جۇرگىزىلەدى دەپ جوسپارلانۋدا. 

سونداي-اق گۇلشارا ابدىقالىقوۆا ماقپالكول اۋىلدىق وكرۋگىندە №117 مەكتەپتىڭ قۇرىلىسىمەن، «قۇرمانباي اتا» شارۋا قوجالىعىنىڭ جۇمىسىمەن تانىستى.  

شارۋا قوجالىعى جۇمىسىن 2018 جىلى باستاعان. قازىر 6 گەكتار باقتا المانىڭ بەس ءتۇرىن ءوسىرىپ وتىر. ال، ءا.وڭالباەۆ اتىنداعى №117 مەكتەپكە كۇردەلى جوندەۋ جۇمىستارىن جۇرگىزۋگە «جۇمىسپەن قامتۋ جول كارتاسى» مەملكەتتىك باعدارلاماسى اياسىندا 219 ملن تەڭگە بولىنگەن، ناتيجەسىندە 71 تۇرعىن ۋاقىتشا جۇمىسپەن قامتىلدى.  

مۇنان سوڭ، وبلىس اكىمى تاڭ اۋىلدىق وكرۋگىندەگى مەملەكەتتىك-جەكەشەلىك ارىپتەستىك نەگىزىندە سالىنعان الەۋمەتتىك نىسانداردىڭ جۇمىسىمەن تانىستى. قۇرىلىس جۇمىستارىن «تاڭ لتد» جشس جۇرگىزىپ، بالاباقشا 2017 جىلى، ال، سپورت كەشەنى 2018 جىلى پايدالانۋعا بەرىلگەن.

ەلىمىزدە جاريالانعان توتەنشە جاعدايدان كەيىن ەكونوميكانى قالىپقا كەلتىرۋ ماڭىزدى. اۋداندا كۇرىش وڭدەۋدەن باسقا كاسىپكەرلىك تۇرلەرىنىڭ دامۋىن قولداۋ ءۇشىن «قاراپايىم زاتتار ەكونوميكاسى» باعدارلاماسىن جۇزەگە اسىرۋعا كوڭىل بولىڭىزدەر. سول سەبەپتى، اۋدان اكىمدەرى كاسىپكەرلەرگە بارىنشا قولداۋ كورسەتۋ كەرەك. ال، كاسىپكەرلەر ءوز كەزەگىندە ساپالى ءونىم شىعارىپ، اۋقىمىن كەڭەيتۋگە جۇمىس جاساۋ قاجەت، - دەدى وبلىس اكىمى. 

وسى جىلدىڭ 4 ايىنىڭ قورىتىندىسى بويىنشا اۋداندا بىرقاتار كورسەتكىشتەردىڭ وڭ ديناميكاسى بايقالادى. دەگەنمەن، كەيبىر سالالاردىڭ كورسەتكىشتەرى ءالى دە تومەن. ماسەلەن، جۇمىسسىزدىق دەڭگەيى 5% قۇراپ، وبلىستىق 4،8%-دان جوعارى بولىپ وتىر. ءولىم-ءجىتىم – 1،4%-عا، تۋبەركۋلەز بويىنشا اۋرۋشاڭدىق 18،5%-عا جوعارىلاعان.  

سوڭعى جاڭالىقتار

شىعىسقا قار ءتۇستى

ايماقتار • بۇگىن، 22:57

ۇقساس جاڭالىقتار