تاراپتار ەكى ەلدىڭ كولىك سالاسىنداعى ىنتىماقتاستىعىنىڭ اعىمداعى جىلعى ءى توقسانداعى قورىتىندىسىن شىعاردى. تەمىرجول كولىگىمەن تاسىمال كولەمى وتكەن جىلدىڭ سايكەس كەزەڭىمەن سالىستىرعاندا 10% ارتىپ, 239 مىڭ توننا قۇراعان. اۆتوموبيل كولىگى سالاسىندا 42% ءوسىم بولىپ, 65,2 توننانى قۇرادى. ترانسكاسپي حالىقارالىق كولىك باعىتىمەن ترانزيتتىك تاسىمالداۋ كولەمى 2 ەسەگە ۇلعايىپ, 7,4 مىڭ كونتەينەرگە جەتتى.
سونىمەن قاتار, مينيسترلەر ەكى ەلدە دە ەپيدەميولوگيالىق جاقسارعان جاعدايدا بارلىق سانيتارلىق تالاپتاردى ساقتاپ جانە جولاۋشىلار ءۇشىن قولايلى جاعداي جاساي وتىرىپ, اعىمداعى جىلدىڭ ماۋسىم ايىنىڭ ءۇشىنشى ونكۇندىگىندە اۋە رەيستەرىن قايتا جانداندىرۋ مۇمكىندىكتەرىن تالقىلادى.
