تاعايىنداۋ • 22 مامىر، 2020

قىزىلوردا وبلىستىق جۇمىلدىرۋ دايىندىعى باسقارماسىنىڭ باسشىسى تاعايىندالدى

226 رەتكورسەتىلدى

قىزىلوردا وبلىسى اكىمىنءىڭ وكىمىمەن ايماقتاعى جۇمىلدىرۋ دايىندىعى باسقارماسىنىڭ باسشىسى قىزمەتىنە مەدەت ۋساين تاعايىندالدى.

مەدەت ۋساين مەدەت 1987 جىلى تۋعان. ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن «كولىك، كولىك تەحنيكاسى جانە تەحنولوگياسى»، قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «قارجى» ماماندىقتارى بويىنشا بىتىرگەن.

ەڭبەك جولىن وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باس مامانى رەتىندە باستاعان. 2012-2013 جىلدارى – وبلىستىق كاسىپكەرلىك جانە ونەركاسىپ باسقارماسىنىڭ باس مامانى، 2013-2016 جىلدارى – وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ ءبولىم باسشىسى، باسقارما باسشىسىنىڭ ورىنباسارى بولدى.

2016 جىلدىڭ جەلتوقسان ايىنان باستاپ وسى كەزگە دەيىن وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى قىزمەتىن اتقارىپ كەلدى.

سوڭعى جاڭالىقتار

ۇقساس جاڭالىقتار