ايماقتار • 22 مامىر، 2020

قىزىلوردالىق وقۋشى حالىقارالىق ءبىلىم دوداسىنىڭ جەڭىمپازى اتاندى

45 رەت كورسەتىلدى

XIV حالىقارالىق «ماتەماتيكا جانە جوبالاۋ» بايقاۋىنىڭ قورىتىندىسى بويىنشا قىزىلوردا قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى توميريس جۇماعاليەۆا ءبىرىنشى ورىندى يەلەندى.

ءبىلىم بايگەسىندە توميريس «تابيعاتتاعى جانە قوعامداعى ناقتى پروتسەستەردىڭ ماتەماتيكالىق مودەلدەرى» سەكتسياسىنا قاتىسىپ، «كۇردەلى ەپيتسيكلويدتاردىڭ، گيپوتسيكلويدتاردىڭ جانە تراكتريسالاردىڭ ماتەماتيكالىق مودەلىن ازىرلەۋ» جوباسىن ۇسىنعان.

– اينالامىزداعى زاتتارعا مۇقيات قارايتىن بولساق، ولاردىڭ بارلىعىن ءتۇزۋ سىزىقتار ارقىلى بەينەلەۋ مۇمكىن ەمەستىگىن بايقاۋعا بولادى. كوپتەگەن زاتتار قيسىق سىزىقتاردىڭ كۇردەلى ەلەمەنتتەرى بار كەسكىندەردەن قۇرالعان. كۇردەلى ەپيتسيكلويدتاردى، گيپوتسيكلويدتاردى جانە تراكتريسالاردى زەرتتەۋ ارقىلى ءبىز Geogebra ماتەماتيكالىق باعدارلاماسىندا قيسىقتاردىڭ انيماتسيالارى مەن ولاردىڭ تەڭدەۋلەرىن شىعاردىق، – دەيدى توميريس.

بۇل ماتەماتيكالىق مودەلدەردى زىمىران قۇراستىرۋ، روبوتوتوتەحنيكا، ساۋلەت-قۇرىلىس، وپتيكا جانە تاعى باسقا سالالارداعى ونىمدەردىڭ كۇردەلى پىشىندەرىن جاساۋ ءۇشىن قولدانۋعا بولادى.

ءتوميريستىڭ بۇل جۇمىسى حالىقارالىق بايقاۋدا قازىلار القاسى تاراپىنان جوعارى باعالانىپ، ءبىرىنشى ورىن يەلەندى. جالپى ەلىمىز بويىنشا نازارباەۆ زياتكەرلىك مەكتەپتەرى كومانداسى 4 التىن، 3 كۇمىس جانە 8 قولا مەدال يەلەندى.

ايتا كەتۋ كەرەك، ماتەماتيكا جانە ينفورماتيكا پاندەرى بويىنشا حالىقارالىق ءبىلىم سايىسى جىل سايىن دارىندى بالالارمەن جۇمىس ىستەيتىن مۇعالىمدەر قاۋىمداستىعىنىڭ باستاماسىمەن ماسكەۋ قالاسىندا وتكىزىلەدى. بيىلعى بايقاۋ ۇيىمداستىرۋشىلاردىڭ شەشىمىمەن ونلاين فورماتتا جۇرگىزىلدى.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار