جۋىردا پەتروپاۆلدا جولاۋشىلار كولىگىنىڭ سانيتارلىق جاعدايىن تەكسەرۋ بويىنشا رەيد وتكىزىلدى. بۇل جۇمىستارعا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارىمەن بىرگە ءتارتىپ ساقشىلارى دا جۇمىلدىرىلدى.
رەيد بارىسىندا ماماندار ەسكەرتۋ ايتۋمەن شەكتەلدى. رەيدتى ۇيىمداستىرۋشىلار كولىك سالونىنىڭ سانيتارلىق جاعدايىن, اۆتوبۋستاردىڭ ارتىق ادامداردى الماۋىن, دەزينفەكتسيا جاساۋعا ارنالعان سۇيىقتىقتار مەن زاتتاردى قولدانۋ ءتارتىبىن, جۇرگىزۋشىلەردە بەتپەردەلەردىڭ بولۋىن جانە ونى دۇرىس قولدانا ءبىلۋىن تەكسەردى. «رەيدتىڭ العاشقى ساعاتىندا 11 قوعامدىق كولىك تەكسەرىلدى. جۇرگىزۋشىلەردىڭ بەتپەردە كيۋىنە, اۆتوبۋستاردىڭ سالونىندا انتيسەپتيكتەردىڭ بولۋىنا نازار اۋدارىلدى. جۇرگىزۋشىلەرگە سوڭعى ايالدامادا اۆتوبۋس سالونىن زالالسىزداندىراتىن سۇيىقتىقتارمەن تازارتۋ قاجەتتىگى ەسكەرتىلدى», - دەيدى پەتروپاۆل قالاسى. پب پاترۋلدىك پوليتسيا باتالونى كومانديرىنىڭ مىندەتىن اتقارۋشى, پوليتسيا پودپولكوۆنيگى قانات ءالىمجانوۆ.
سانيتارلىق نورمالاردى ساقتاۋداعى كەمشىلىكتەر ءۇشىن ەشكىم جاۋاپكەرشىلىككە تارتىلعان جوق. ازىرشە جولاۋشىلاردى تاسىمالداۋمەن اينالىساتىن جۇرگىزۋشىلەر مەن ولاردىڭ باسشىلارى, لاۋازىمدى تۇلعالار ءۇشىن تۇسىندىرمە جۇمىستارى جۇرگىزىلۋدە.
جىل باسىنان بەرى سولتۇستىك قازاقستان وبلىسىنىڭ جولدارىندا اۆتوبۋس جۇرگىزۋشىلەرىنىڭ تاراپىنان كارانتيندىك شەكتەۋلەردەن باسقا جول قوزعالىسى ەرەجەلەرىنىڭ 455 بۇزۋشىلىعى انىقتالعان. ولار نەگىزىنەن – كولىك جۇرگىزۋ كەزىندە تەلەفون پايدالانۋ مەن مانەۆر جاساۋ ەرەجەلەرىنىڭ بۇزۋشىلىقتارى.
سولتۇستىك قازاقستان وبلىسى
