بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قىزىلوردا وبلىسىنىڭ تسيفرلىق تەحنولوگيالار باسقارماسى باسشىسىنىڭ مىندەتىن اتقارۋشى يۋليا ترەماسوۆا مالىمدەدى.
وبلىستاعى شالعاي اۋىلدارعا تالشىقتى-وپتيكالى جەلى ورناتىلادى. بۇل ەلدى مەكەندەردى جوعارى ساپالى ينتەرنەتپەن قامتاماسىز ەتىپ, ۇيالى وپەراتورلار 3G/4G تەحنولوگيالارىن قولدانادى.
سونىمەن قاتار, ايماقتا سوڭعى ەكى جىلدا «تسيفرلى قازاقستان» جانە «اقىلدى قالالار» ەتالوندىق ستاندارتى مەملەكەتتىك باعدارلاماسى شەڭبەرىندە 50-گە جۋىق جوبا ىسكە اسىرىلدى. بۇدان بولەك, «اۆتوماتتاندىرىلعان جۇيەلەردى ورناتۋ» جوباسى شەڭبەرىندە جىلدامدىق ولشەگىشتى ورناتۋ بويىنشا جۇمىستار جۇرگىزىلۋدە,-دەدى يۋليا ترەماسوۆا.
بۇل سالاداعى جاڭالىقتىڭ تاعى ءبىرى – وبلىس ورتالىعىنداعى قالاىشىلىك قوعامدىق كولىكتەردە ەلەكتروندىق بيلەت جۇيەسى ىسكە قوسىلعاننان كەيىن ايالدامالارعا اقپاراتتىق تاقتا قويۋ جوسپارلانۋدا.
