وسىعان سايكەس, 11 مامىردان باستاپ ۇكىمەت قاۋلىسىمەن توتەنشە جاعداي كەزىندە قولدانىلۋ مەرزىمى وتكەن جەكە باستى كۋالاندىراتىن قۇجاتتار كۇشى جويىلعان كۇننەن باستاپ كۇنتىزبەلىك الپىس كۇن بويى جارامدى بولىپ سانالاتىن بولدى. دەمەك, قازاقستان ازاماتتارى قىزمەت, زەينەتاقى, الەۋمەتتىك جاردەماقىلار جانە باسقا دا تولەمدەردى الۋ ءۇشىن مەملەكەتتىك ورگاندار مەن باسقا دا ۇيىمدارعا قولدانىلۋ مەرزىمى وتكەن قۇجاتتارمەن جۇگىنە الادى.
قازىرگى تاڭدا حالىقتى قۇجاتتاندىرۋ ماسەلەلەرى بويىنشا مەملەكەتتىك قىزمەت كورسەتۋ ءۇشىن قاجەتتى شارالار قابىلدانۋدا.
اتاپ ايتقاندا, مۇنكىندىگى شەكتەۋلى جانە زەينەتكەرلىك جاستاعى ادامداردى, كوپ بالالى انالاردى, مۇگەدەكتەردى قۇجاتتاندىرۋ ءۇشىن ارنايى تۇرعىلىقتى جەرى بويىنشا ۇيلەرىنە باراتىن ءموبيلدى حقكو-نىڭ جۇمىسى ۇيىمداستىرىلدى.
اۋدان ورتالىقتارىندا تۇرعىندار ءۇشىن ءاربىر ەلدى مەكەن نەمەسە اۋىلدىق وكرۋگ بويىنشا قۇجاتتاندىرۋ كەستەسىنە سايكەس قابىلداۋ كۇندەرى بەلگىلەنگەن.
جەكە باستى كۋالاندىراتىن مەرزىمى وتكەن قۇجاتتاردى اۋىستىرۋ وسى جىلدىڭ 10 شىلدەسىنە دەيىن ەشقانداي اكىمشىلىك شاراسىز جۇزەگە اسىرىلادى.
بۇگىنگى كۇنگە ءموبيلدى حقكو-مەن جانە وبلىستىق پوليتسيا دەپارتامەنتىنىڭ كوشى-قون قىزمەتى 200-دەن استام وبلىس تۇرعىنىن قۇجاتتاندىردى.
