اۋداندىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ حابارلاۋىنشا, بۇعان نوسەر جاۋىننىڭ كەسىرى تيگەن. جايىق وزەنىنىڭ جالعانساي اۋىلى تۇسىنان سالىنعان كوپىردىڭ ۇزىندىعى 8 030 مەتردى قۇرايدى.
–نوسەر جاۋىننىڭ كەسىرىنەن اتالعان كوپىردىڭ جاياۋ جۇرگىنشى جولى اۋماعىندا اسفالت جابىندىسى تەسىلىپ, سارقىن سۋمەن ويىس پايدا بولدى. بۇل تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسىنا دەرەۋ حابارلاندى.
كوپىر قۇرىلىسىن جۇرگىزگەن باس مەردىگەر – «اتىراۋينجستروي» جشس-ءنىڭ ماماندارى زەردەلەۋ جۇمىستارىن جۇرگىزۋدە. باس مەردىگەر قىسقا مەرزىمدە 5 جىلدىق كەپىلدەمەسىنە سايكەس اقاۋلىقتى قالىپقا كەلتىرەتىن بولادى, دەپ حابارلادى ماحامبەت اۋداندىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى بولىمىنەن.
