ال قازاقستاننىڭ كاسىپقوي فۋتبول ليگاسى كوروناۆيرۋس پاندەمياسىنا بايلانىستى ۋاقىتشا توقتاعان ەل چەمپيوناتىن قايتا جالعاستىرۋ ۋاقىتىنىڭ ءتورت نۇسقاسىن قاراستىرىپ جاتىر. ءبىرىنشى نۇسقا – 31 مامىر مەن 4 قازان, ەكىنشى نۇسقا – 10 ماۋسىم مەن 25 قازان, ءۇشىنشى نۇسقا – 20 ماۋسىم مەن 8 قاراشا, ءتورتىنشى نۇسقا – 1 شىلدە مەن 22 قاراشا ارالىعى. الداعى ۋاقىتتا ماماندار ەلدەگى ىندەتتىڭ تارالۋ قارقىنىن باعامداپ, وسى ءتورت نۇسقانىڭ بىرىنە توقتاماق. سونداي-اق بيىلعى بىرىنشىلىك ادەتتەگىدەي ءۇش ەمەس ەكى اينالىممەن شەكتەلەتىن بولدى.
ايتا كەتەيىك, فۋتبولدان بيىلعى ەل بىرىنشىلىگى 7 ناۋرىزدا باستالىپ, 16 ناۋرىزدا كوروناۆيرۋس پاندەمياسىنا بايلانىستى توقتاعان-دى. وسى ۋاقىت ارالىعىندا كوماندالار ەكى تۋر وينادى.
