«قازىر وبلىس اۋماعىندا قوزعالىس شەكتەلمەگەن, وبلىس ورتالىعىنان سولتۇستىك قازاقستان وبلىسىنىڭ اۋماعىندا ورنالاسقان بارلىق ەلدىمەكەندەرگە شىعۋعا بولادى. تەك بارلىق سانيتارلىق-ەپيدەميولوگيالىق تالاپتاردىڭ قاتاڭ ساقتالۋى تالاپ ەتىلەدى. وبلىستان تىس جەرگە – جەرگىلىكتى اتقارۋشى ورگانداردىڭ كەلىسىمى بويىنشا رۇقسات ەتىلگەن قۇجاتپەن عانا شىعۋعا بولادى», - دەيدى پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پودپولكوۆنيگى ايدىن بايماتوۆ.
بلوك بەكەتتەرگە قازىر 202 پوليتسيا, سونداي-اق مەديتسينالىق جانە ۆەتەرينارلىق قىزمەتكەرلەر جۇمىلدىرىلعان. پوليتسەيلەر ايماقتاعى كارانتيندىك شارالاردىڭ جەڭىلدەگەنىنە قاراماستان ەلدەگى جانە رەسەي فەدەراتسياسىنىڭ شەكارالاس اۋداندارىنداعى ەپيدەميولوگيالىق جاعدايعا بايلانىستى شەكتەۋلەردى ساقتاۋ قاجەتتىلىگى جالعاسىپ جاتقاندىعىن ايتتى. باس سانيتارلىق دارىگەردىڭ قاۋلىسىنا سايكەس, قازىرگى ۋاقىتتا كورشىلەردىڭ, تانىستاردىڭ, تۋىستاردىڭ جانە ارىپتەستەردىڭ كەلۋىنە شەكتەۋ قويىلدى.
سونىمەن قاتار تۇرعىلىقتى جەرى بويىنشا وتباسىلىق ءىس-شارالاردى وتكىزۋگە ءالى دە تىيىم سالىنعان. سونداي-اق, قوعامدىق ورىنداردا 3 ادامنان ارتىق توپتاسۋعا بولمايدى. دۇكەندەرگە جانە باسقا دا ورىندارعا بارعان كەزدە بەتپەردە كيۋ رەجىمىن ساقتاۋ وزگەرگەن جوق.
سولتۇستىك قازاقستان وبلىسى
