مۇنداعى ورتالىق قازاندىق پەن جىلۋ جۇيەلەرى دە جاڭارتىلعان. قازىر ولارعا 18 كوپقاباتتى ءۇي قوسىلعان. ال جاڭا جىلۋ ماۋسىمىندا تاعى 32 ءۇي قوسىلماقشى.
ءوڭىر باسشىسى وسى اۋدانداعى ياكور سەلوسىنا دا باردى. مۇندا الەۋمەتتىك نىسانداردىڭ بارىنە جوندەۋ جانە اباتتاندىرۋ جۇمىستارى جۇرگىزىلمەك. وعان 150 ملن تەڭگە بولىنگەن. بۇل قاراجاتقا بۇرىنعى بالاباقشا دا قالپىنا كەلتىرىلمەكشى.
اكىمنىڭ ساپارى جالعاسقان اسان سەلوسىندا دا وسىنداي جۇمىستار جۇرگىزىلۋدە. ولارعا 156 ملن تەڭگە بولىنگەن. بۇل سومانىڭ 79 ملن مەكتەپ تە كۇردەلى جوندەۋدەن وتكىزىلەدى. ساناتسيا تاسىلىمەن ۇيلەرگە سۋ جەتكىزىلگەن. كەڭ جولاقتى ينتەرنەتكە دە قول جەتكىزىلگەن.
اكىم ات باسىن تىرەگەن سوڭعى اۋىل – سوكولوۆكا سەلوسى. بۇل كەزىندە اۋدان ورتالىعى بولعان ءبىرشاما ۇلكەن جانە رەسەيدىڭ تۇمەن وبلىسىنا شىعاراتىن شەكاراداعى ەڭ ۇلكەن ەلدىمەكەن. بيىل ونىڭ ىشكى جولدارىن جوندەۋگە 74 ملن تەڭگە ءبولىنىپتى. دارىگەرلىك امبۋلاتوريانىڭ كۇردەلى جوندەۋىنە 61 ملن تەڭگە بولىنگەن.
وبلىس اكىمى باستالىپ جاتقان جوندەۋ جۇمىستارىنا قاناعاتتانارلىق ءبىلدىرىپ بىلاي دەدى: ء«بىز قازىر پەرسپەكتيۆاسى بار سەلولارداعى جوندەۋلەردىڭ اياعىنا دەيىن ءوزىمىز باقىلايمىز. بارلىق جۇيەلى ماسەلەلەردى ءوزىمىز شەشەمىز. وسىنداي كەشەندى جۇمىستاردان كەيىن اۋىل مەن سەلو اكىمدەرىنە باقىلايتىن جۇمىس تا قالمايدى», دەدى ول.
سونىمەن بىرگە وبلىس اكىمى قۇمار اقساقالوۆ اۋدانداعى ەگىس جۇمىستارىنىڭ جۇرگىزىلۋ بارىستارىمەن تانىستى.
سولتۇستىك قازاقستان وبلىسى
