مۇنان كەيىن, وبلىس اكىمى جازۋشى ءابدىجامىل نۇرپەيىسوۆ اتىنداعى ادەبيەت ۇيىندە بولىپ, وقۋشىلار ءۇيىنىڭ قۇرىلىسى جانە وسىدان 2 جىل بۇرىن پايدالانۋعا بەرىلگەن اۋدانارالىق ورتالىق اۋرۋحاناسى جۇمىستارىمەن تانىستى.
ساپار بارىسىندا وبلىس اكىمىنىڭ توراعالىعىمەن اۋداننىڭ الەۋمەتتىك-ەكونوميكالىق دامۋىنا ارنالعان ءماجىلىس ءوتتى. وندا گۇلشارا ابدىقالىقوۆا بىرقاتار كورسەتكىشتەردىڭ تومەندەگەنىن ايتتى.
- اۋداندا ونەركاسىپ ءوندىرىسى 5,5 پايىزعا, وڭدەۋشى ونەركاسىپ 7,5 پايىزعا, كاسىپكەرلىك سالاسى بويىنشا كورسەتكىش 2 پايىزعا تومەندەگەن. تەك اۋىل شارۋاشىلىعىنداعى ءونىم ءوندىرىسى 2 پايىزعا, تۇرعىن ۇيلەردى پايدالانۋعا بەرۋ 48,9 پايىزعا وسكەن. بىراق, بۇل ناتيجەلەر كوڭىلگە قونىمدى ەمەس, سەبەبى, ەكونوميكانىڭ نەگىزگى كورسەتكىشتەرى تومەن,- دەدى وبلىس اكىمى گ.ابدىقالىقوۆا.
ارال اۋدانىندا «جۇمىسپەن قامتۋ جول كارتاسى» باعدارلاماسى شەڭبەرىندە بولىنگەن قارجىعا 16 جوبا ىسكە اسۋدا. ونىڭ ىشىندە ارال قالاسىنىڭ جولدارىن ورتاشا جوندەۋ, اۋداندىق ماڭىزى بار اۆتوموبيل جولىن, سەكسەۋىل كەنتىندەگى 300 ورىندىق مەكتەپ قۇرىلىسىن سالۋ, ورتالىق كوشەلەردى اباتتاندىرۋ, ارال قالاسىنداعى اۋىلىشىلىك كوشەلەرگە گاز قۇبىرى جۇيەلەرىن جەتكىزۋ سەكىلدى ءىرى جوبالار قاراستىرىلعان. ءوڭىر باسشىسى «جۇمىسپەن قامتۋ جول كارتاسى» باعدارلاماسى اياسىندا بولىنگەن قارجىنى ءتيىمدى جۇمساۋدى تاپسىردى.
مۇنان سوڭ وبلىس اكىمى جاقسىقىلىش كەنتىندەگى «ارالتۇز» زاۋىتىمەن, ونداعى كالتسيلەندىرىلگەن سودا شىعارۋ ينۆەستيتسيالىق جوباسىنىڭ جۇزەگە اسىرىلۋ بارىسىمەن, «باتىس ەۋروپا – باتىس قىتاي» حالىقارالىق كولىك ءدالىزى بويىنداعى «س» جانە «د» ساناتتى جول بويى سەرۆيس كەشەنى مەن قامباش اۋىلىنداعى وليمپيادالار جانە قوسىمشا ءبىلىم بەرۋ ورتالىعىنىڭ جۇمىسىمەن تانىستى.
امانوتكەل اۋىلى تۇرعىندارىنىڭ وزەكتى ماسەلەلەرى حان ەلدى مەكەنى تۇسىنداعى قالقىمالى كوپىردىڭ قىزمەتى. گۇلشارا ابدىقالىقوۆا اۋدان اكىمى م.ورازباەۆ پەن وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى م.تىلەۋمبەتوۆكە وتكەلدىڭ جۇمىسىن قامتاماسىز ەتۋدى تاپسىردى.
سونداي-اق, ايماق باسشىسى جاڭاقۇرىلىس اۋىلىنداعى №74 ورتا مەكتەبىنە باردى.
بۇگىن وبلىس اكىمىنىڭ ساپارى قازالى اۋدانىندا جالعاسادى.
