وڭىرلىك كوممۋنيكاتسيالار قىزمەتىنىڭ حابارلاۋىنشا, قوعامدىق قاۋىپسىزدىكتى قامتاماسىز ەتۋگە اتىراۋداعى جەرگىلىكتى گارنيزوننان 200 اسكەري تارتىلدى. ماسەلەن, №41430 اسكەري ءبولىمىنىڭ اعا وفيتسەرى, مايور اقىلبەك ءالجانوۆتىڭ ايتۋىنشا, اسكەري قىزمەتشىلەر بلوك-بەكەتتەردە ەكى اۋىسىممەن جۇمىس ىستەپتى.
– ءبىز بلوك-بەكەتتەردەگى, قالانىڭ بەلگىلەنگەن جەرلەرىندەگى قىزمەتىمىزدى ابىرويمەن اتقاردىق. ءار اۋىسىمدا 28 ادام كەزەكشىلىككە شىقتى. مىندەتىمىز – توتەنشە جاعداي رەجيمىنىڭ ساقتالۋىن قامتاماسىز ەتۋ. اسكەريلەردىڭ كومەگىمەن 20-عا جۋىق ءتارتىپ بۇزۋشىلىق انىقتالدى. ءبىز ءۇشىن ەلىمىزدىڭ تىنىشتىعى مەن حالقىمىزدىڭ اماندىعى قىمبات. سوندىقتان, ءبىز ەلدى قورعاۋعا ءازىرمىز, - دەيدى اعا وفيتسەر اقىلبەك ءالجانوۆ.
اسكەريلەر اتىراۋ قالاسىنداعى №3 ەمحانادا قاۋىپتى ىندەت ينفەكتسياسىنا پتر تەست-سىناماسىن تاپسىردى. اتالعان ەمحانانىڭ ەپيدەميولوگى ابزال دۇيسەنوۆتىڭ پىكىرىنشە, 204 اسكەري قىزمەتكەردەن مۇرىن جۇعىندىسى الىنىپتى. اناليز قورىتىندىسى ءبىر تاۋلىكتە دايىن بولادى.
