32 جاستاعى فەتتەلدىڭ كەلىسىمشارتى وسى ماۋسىمدا اياقتالادى. ول ءبىر جىلدا «فەرراري» كومانداسىنان 40 ميلليون ەۋرو جالاقى الاتىن. بۇعان دەيىن F1-Insider پورتالى «فەرراري» فەتتەلگە ەكى جىلعا كەلىسىمشارت ۇسىنعانىن جازعان ەدى. كەلىسىمشارتتا جالاقى سوماسى كوروناۆيرۋس پاندەمياسىنا بايلانىستى قازىرگىدەن از كورسەتىلگەن.
فەتتەل «فورمۋلا-1» جارىسىندا 2007 جىلدان بەرى باق سىناپ كەلەدى. ول «رەد بۋلل» كومانداسى ساپىندا الەمنىڭ ءتورت دۇركىن چەمپيونى اتانعان (2010–2013). نەمىس اۆتوشاباندوزى «فەرراريگە» 2015 جىلى اۋىسقان بولاتىن.
كوروناۆيرۋس ىندەتىنە بايلانىستى «فورمۋلا-1» باسەكەسىنىڭ بيىلعى ماۋسىمى ءالى باستالعان جوق. بۇگىنگە دەيىن باحرەين, ۆەتنام, قىتاي, نيدەرلاند, ازەربايجان جانە كانادا گران-ءپريى كەيىنگە قالدىرىلدى. ال اۋستراليا, موناكو, يسپانيا جانە فرانتسياداعى جارىستار وتپەيتىن بولدى.
