وبلىستىق پوليتسيا دەپارتامەنتىنىڭ قىزمەتكەرلەرى جىل باسىنان بەرى سونداي ازاماتتاردىڭ قاتىسۋىمەن جاسالعان وننان اسا قىلمىستى اشكەرەلەپتى. تەرىس ءدىني اعىم جەتەگىندەگىلەر بوتەننىڭ مۇلكىن ۇرلاپ, زاڭسىز بالىق اۋلاۋعا بارىپتى. ءوز جەمتىكتەرىن بوپسالاپ, ۇرىپ-سوعىپ, دەنەگە جاراقات سالىپتى. سونداي-اق, قاساقانا اۋىر دەنە جاراقاتىن سالۋدان تارتىنباپتى.
–ماسەلەن, قاڭتار ايىندا بەلگىسىز تۇلعا العاباس وتكەلىندە ورنالاسقان ۇيگە زاڭسىز كىرىپ, 1995 جىلى تۋعان ازاماتشانىڭ «سامسۋنگ G1», «سامسۋنگ G5», «سامسۋنگ G6» ماركالى ءۇش ۇيالى تەلەفونىن ۇرلاپ كەتكەن. قىلمىسقا قاتىستى 33 جاستاعى ازامات ۇستالدى. ول دەسترۋكتيۆتى ءدىني اعىم ۇستانۋشى ەكەن. ال, ناۋرىز ايىندا پوليتسياعا وزبەكستان رەسپۋبليكاسىنىڭ ازاماتتارى بەلگىسىز تۇلعالاردىڭ وزدەرىن بوپسالاپ, «Opel Zafira» ماركالى اۆتوكولىگىن تارتىپ العانى, 2 000 000 تەڭگەدەن استام شىعىن كەلتىرگەنى تۋرالى ارىزداندى. پوليتسيا قىزمەتكەرلەرى ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسىپ جۇرگىزگەن جەدەل شارا بارىسىندا قىلمىسقا كۇدىكتى ەكەۋدى ۇستادى. تەكسەرۋ كەزىندە ولاردىڭ دا دەسترۋكتيۆتى ءدىني اعىمدى ۇستاناتىنى انىقتالدى, -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
