«جالپى ءبىلىم بەرۋ مەكتەپتەرىنىڭ سپورت زالدارىندا سپورتتىق سەكتسيالاردىڭ جۇمىسىن ۇيىمداستىرىپ, حالىقتىڭ بارلىق توبىنا قولجەتىمدى ەتۋ ماقساتىندا وڭىرلىك سپورت جانە ءبىلىم باسقارمالارىمەن مەموراندۋمعا وتىرۋ جوسپارلانعان. سونىمەن قاتار اۋىل حالقىن سپورتقا تارتۋ, ولارمەن جۇمىس ىستەۋ ءۇشىن سپورتتىق نۇسقاۋشىلاردىڭ سانىن ءوسىرۋ كوزدەلگەن. قازىر ولارعا دەگەن سۇرانىس 1000-نان اسادى», - دەدى اقتوتى رايىمقۇلوۆا.
وسى ورايدا مينيستر اۋىلدىق جەرلەردە جاڭا جۇمىس ورىندارىن اشۋعا سەپتىگىن تيگىزەتىنىن اتاپ ءوتتى.
«جالپى ءبىلىم بەرەتىن مەكتەپتەردىڭ سپورتتىق زالدارىندا بالالارعا ارنالعان سپورتتىق سەكتسيالاردىڭ جۇمىسىن ۇيىمداستىرۋ ويلاستىرىلعان. بۇگىنگى تاڭدا مينيسترلىكتە 101 سپورتتىق فەدەراتسيا اككرەديتتەلگەن. ولار قوسىمشا ءوز سپورت تۇرلەرى بويىنشا 300 مىڭ بالانى قامتيتىن 10 مىڭ سەكتسيا اشۋعا مۇمكىندىك الادى. مەكتەپتىك جانە ستۋدەنتتىك ليگالاردىڭ دا سانى ارتادى. ءبىزدىڭ تاعى ءبىر ماقسات - سپورتتىق جەلىلەر مەن ينفراقۇرىلىمدى ارتتىرۋ. بۇگىندە ەلىمىزدە 579 بالالار-جاسوسپىرىمدەر كلۋبى مەن بالالار-جاسوسپىرىمدەردىڭ دەنە دايارلىعىنا ارنالعان 107 كلۋب جۇمىس ىستەيدى. سايكەسىنشە, ولاردىڭ سانىن 700-گە, تيىسىنشە 340-قا وسىرەمىز. وسىلايشا دەنە شىنىقتىرۋ مەن سپورتپەن اينالىساتىنداردىڭ سانى 100 مىڭ ادامعا وسەدى»,- دەدى ول.
