مينيستر كوكارال بوگەتى باسىندا 2005 جىلى سالىنعان قۇرىلىستىڭ پروبلەمالى تۇستارىنان حاباردار ەكەنىن جەتكىزدى. بيىل مينيسترلىك تاراپىنان جوبالىق سمەتالىق قۇجاتتارىن ازىرلەۋگە قاجەتتى قاراجات ءبولىندى, جوبا دايىن بولعان سوڭ بوگەتتى نىعايتۋ جۇمىستارى باستالادى.
سونداي-اق ەكولوگيا, گەولوگيا جانە تابيعي رەسۋرستار ءمينيسترى ساراتس جوباسىنا دا توقتالدى.
ەكىنشى فازادا سۋ كولەمى كوبەيىپ, سايكەسىنشە بالىق شارۋاشىلىعى دا دامي تۇسەدى. بۇگىنگى كۇنى رەسپۋبليكا كولەمىندە سۋ قويمالارىنىڭ جاعدايىنا زەرتتەۋ جۇمىستارى جۇرگىزىلۋدە. سوعان سايكەس, ءار ايماقتان ناقتى ۇسىنىستار بەرىلۋ كەرەك, - دەدى مينيستر.
كوكارال بوگەتىنىڭ ارقاسىندا بۇگىندە بالىق اۋلاۋ كولەمى 0,4 مىڭ توننادان 6 مىڭ تونناعا دەيىن ارتقان جانە اۋلاناتىن بالىق تۇرلەرى كوبەيگەن.
مينيستر مەن وبلىس اكىمى «ارال سەرۆيستىك دايىنداۋ ورتالىعى» جشس جانە ارال بالىق وڭدەۋ زاۋىتىندا دا بولىپ, جۇمىسىمەن تانىستى.
