ولاردىڭ باسىم بولىگى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى قىزمەتكەرلەرىنىڭ الەۋمەتتىك جەلىلەردى جانە باسقا دا ينتەرنەت-رەسۋرستاردى تەكسەرۋ كەزىندە تابىلدى.
ء«دىني ادەبيەتتى جانە ءدىني مازمۇنداعى باسىلىمداردى ساتۋعا جەكە قۇقى بار زاڭدى تۇردە كىتاپ ساتاتىن ورىندارعا عانا رۇقسات ەتىلگەن. وسىعان قاراماستان ولاردى ينتەرنەت-رەسۋرستار ارقىلى ساتۋ فاكتىلەرى كەزدەسەدى. ءدىني ادەبيەتتى جانە ءدىني ماقساتتاعى وزگە دە ماتەريالداردى, زاتتاردى اكەلگەنى نەمەسە تاراتقانى ءۇشىن اكىمشىلىك قۇقىق بۇزۋشىلىقتار تۋرالى كودەكستىڭ 490-بابىمەن جەكە تۇلعالارعا 50 ايلىق ەسەپتىك كورسەتكىش كولەمىندە, زاڭدى تۇلعالارعا – 200 اەك كولەمىندە ايىپپۇل سالۋ كوزدەلگەن», - دەيدى ەكسترەميزمگە قارسى ءىس-قيمىل باسقارماسىنىڭ باستىعى, پوليتسيا مايورى رۋسلان مۇحامبەتجانوۆ.
ۇستالعاندار تۋرالى ايتساق, مامليۋت قالاسىنىڭ 31 جاسار تۇرعىنى «ۆكونتاكتە» الەۋمەتتىك جەلىسى ارقىلى ءدىني مازمۇنداعى اۋديو جانە بەينە فايلداردى تاراتقان. اتالعان فاكتى پوليتسەيلەردىڭ الەۋمەتتىك جەلىلەرگە مونيتورينگ جۇرگىزۋ كەزىندە انىقتالعان. ەر ادام اكىمشىلىك جاۋاپكەرشىلىككە تارتىلىپ, 120 مىڭ تەڭگە ايىپپۇل تولەدى. پەتروپاۆل قالاسىنىڭ ەكى تۇرعىنى دا «OLX» سايتىندا ءدىني مازمۇنداعى باسىلىمدار ساتپاقشى بولعان, بۇل دا اكىمشىلىك زاڭناما بۇزۋشىلىعى بولىپ تابىلادى. اتالعان فاكتىلەر بويىنشا اكىمشىلىك ماتەريالدار جينالعان. سونداي-اق, قىرعىزستانعا ترانزيتپەن كەتىپ بارا جاتقان 35 جاسار ادامنىڭ زاتتارىنىڭ اراسىنان «تابليعي دجاماگات» اتتى دەسترۋكتيۆتى ءدىني اعىمىنىڭ ادەبيەتتەرى شىققان. بۇلاردى قازاقستان اۋماعىندا تاراتۋعا, اكەلۋگە جانە باسىپ شىعارۋعا تىيىم سالىنعاندىقتان 200 مىڭ تەڭگە ايىپپۇل سالىندى.
پەتروپاۆل
